倫哥火鍋私房菜 (已結業)

元朗雞地餐廳愈快愈多，同時亦都愈換愈快，西餐火鍋茶餐咩都有。而gathering雞煲打邊爐倫哥真係好地方星期三黎食，人唔算多，未齊人都可以入座，先黎前菜小食。有兩款，麻醬豆腐同涼拌木耳，前者豆腐夠凍，亦都夠滑，麻醬分量岩岩好唔會太多。而木耳爽脆，不過唔夠多蒜同辣先比你調好就會收走，唔洗霸住張檯擺野食，壽司既芥末亦都係獨立包裝雞煲黎到仲要炒，職員見我地係咁開，主動同我地講要抄4次每次隔兩分鐘。雞煲叫左小辣，芫茜洋蔥夠多惹味，小辣岩岩好，不過就唔夠麻。以火鍋做主角黎講，依到雞煲都算唔錯啦，而且仲係可以任食食完雞煲黎刺身，刺身有5款，依個係4人分量，冇雪味，幾好幾好，不過食完熱野食返凍有小小怪，如果可以雞煲前食就更好啦上面兩款都係送既，真係次次黎倫哥都有驚喜，上次係每人一個燉湯，今次有鮑魚仔同花膠同聖子，真係好正特別係個聖子蒸夠多夠香唔會過咸，粉絲夠淋又入味，聖子好鮮甜！食完咁多野先到主題打邊爐，火鍋湯底有幾款，芫茜皮蛋、麻辣，我地叫左牛奶骨湯底，不過朋友唔食得奶，主動話幫我地走奶，湯底黎到好香牛油味一次過上曬牛肉同海鮮，牛肉加要加錢，海鮮有幾款可以任食，特別要講蝦可以任食，再追加個啲都好大