雞煲平時就食得多，但芝士雞煲我都真係第一次食。其實佢仲有得簡「增量」芝士，但因為我同男朋友之前已經食左小小野怕太濟，所以都係簡返最normal個款算啦
初頭我都研究左好耐究竟點樣又雞煲又火鍋呢?心諗係唔係要叫晒兩樣野呢?但原來枱面張紙已經有埋教學，仲有建議教埋大家唔同味既雞煲轉火鍋時會同咩食材最夾，所以大家記得要留意，唔好好似我咁大頭蝦，落左order先知
呢度叫嘢食係用QR code手機落單，啲侍應服務都非常貼心，定期會行過黎提我地個火要較細啲，食火鍋個陣又會主動行過黎幫我地加水。
呢個雞煲認真唔惹少，有超多雞件，仲要拉絲架!!而佢仲有好多紫洋蔥，所以都幾香口同埋唔會太膩，個人應該2個人食就岩岩好，但3個人就應該唔夠
差不多食完D雞既時候，侍應就叫我地先夾起剩底既雞，準備幫我地落湯，個湯食落似係雞湯味，但沖多幾次之後感覺D芝士味好似冇晒咁，有D sad
要重點推仲既係桶蠔，又大隻又鮮點，唔洗點醬都好好食，連侍應姐姐都忍唔住行過黎話睇蓉好似幾好食咁。
而男朋友就鐘意食個手切霜降牛頸脊，佢不斷大讚D肉好靚，同埋份量真係好多，我諗3個人食都好夠
