花宵 (已結業)

香港要搵啲好食嘅串燒餐廳真係唔容易，仲要係其他壽司刺身都要做得好，就真係難上加難。前日同朋友farewell,就梗係要請佢食餐好嘅。花宵刺身拼盤有五款刺身，個人覺得佢嘅赤蝦好鮮甜，亦都幾大條。佢嘅油甘魚都好厚身，食得出好新鮮，唔會有雪味。串燒大約二三十蚊一串，佢嘅一口牛同免治雞肉一定要食，免治雞肉同配埋生雞蛋醬油，食落去好有口感，有少少雞軟骨喺入面，雞蛋醬汁夾埋食好正，唔會好鹹。雞泡魚乾食落口唔會好乾身，調味調得好好，隔離有一啲沙律醬，一定要嗌黎食下！鹽燒大頭蝦大頭蝦就梗係要食佢嘅頭啦，個頭入邊勁多蝦膏，食得出好新鮮。