Cafe Whale

营业中

休息中

之前食過呢間舖頭的香港仔分店，味道幾好同D野食真係好有誠意，原來西灣河太安樓都開咗，於是就幫襯下。今次叫咗霹靂雞扒漢堡、炸薯角同封門柳沙律三樣野，樣樣味道都唔錯，封門柳沙律同雞扒漢堡都有驚喜。封門柳沙律個賣相好靚，好有文青feel，沙律菜好新鮮好味，不過最重要就梗係D封門柳啦，封門柳嘅牛肉味好香濃，配柚子醋好好味，真係非一般的牛肉沙律。個雞扒Burger係店長介紹嘅，佢話沙律已經有牛就不如Burger食雞啦，於是就叫咗，味道真係唔錯，件雞扒煎得好香而且幾Juicy，個包入面D生菜又係好fresh，整體都唔錯。我自己鍾意食炸薯角多過薯條，呢度有就梗係要試下啦，佢嘅著角味道真D，唔似嗰D一咬開只見薯仔粉，又係唔錯。