87
55
44
等级4
2010-11-07 7 浏览
其中一間質數唔錯既壽司店,冷盤、熱燻都做得好,刺生好鮮甜新鮮美味。裝修豪華,但坐得唔多舒服,張枱又細又窄,枱與枱好近,無咩私人空間。服務倘算殷勤,係滿意既 ~ 價錢合理,唔算太貴 ~由於紅磡無一間有水準既壽司店,咁唯有同個客搭的士去尖咀搵食啦 ~ 今次我個客請食飯,所以所有食物都係由佢發牌喇 ~ 佢經常幫襯依間,但我都係首次黎試試 ~ 得一個鐘食飯時間好鬼趕,要紅磡趕到尖咀,食完再趕返紅磡 ~甜蛋卷,蛋香、偏甜,暖暖地,口感鬆軟,可以啦。海老天婦羅,薄薄一層炸粉、軟墊,乾身又白淨,有正宗天婦羅感覺,蝦鮮美味,不需作任可調味。北奇貝,估唔到又軟棉棉又鮮嫰無比,充滿水份,以前食過好多間都硬掘掘又乾,搞到我一向以為正常口感係硬既添。帆立貝,超甜超香,軟棉棉,雖然呎吋細左啲,但味道鮮甜濃郁。三文魚,中上級,脂肪線夠粗又平均,色澤光亮,正﹗又鮮又甜。炸雞軟骨,炸肉香脆可口,已將大部份油份迫出,食既時後口感乾身,脆卜卜又爽又香口,做得好好。係其他地方食過,大多炸到油淋淋。加埋鮮檸汁,好開胃。甜蝦刺生,好新鮮,夠晒黏口而且爽滑。牡丹蝦,大大隻,又爽又黏口,好正 ~ 蝦頭勁大隻又多膏,食極唔厭 ﹗
更多
其中一間質數唔錯既壽司店,冷盤、熱燻都做得好,刺生好鮮甜新鮮美味。裝修豪華,但坐得唔多舒服,張枱又細又窄,枱與枱好近,無咩私人空間。服務倘算殷勤,係滿意既 ~ 價錢合理,唔算太貴 ~

由於紅磡無一間有水準既壽司店,咁唯有同個客搭的士去尖咀搵食啦 ~ 今次我個客請食飯,所以所有食物都係由佢發牌喇 ~ 佢經常幫襯依間,但我都係首次黎試試 ~ 得一個鐘食飯時間好鬼趕,要紅磡趕到尖咀,食完再趕返紅磡 ~

甜蛋卷,蛋香、偏甜,暖暖地,口感鬆軟,可以啦。

海老天婦羅,薄薄一層炸粉、軟墊,乾身又白淨,有正宗天婦羅感覺,蝦鮮美味,不需作任可調味。

北奇貝,估唔到又軟棉棉又鮮嫰無比,充滿水份,以前食過好多間都硬掘掘又乾,搞到我一向以為正常口感係硬既添。

帆立貝,超甜超香,軟棉棉,雖然呎吋細左啲,但味道鮮甜濃郁。

三文魚,中上級,脂肪線夠粗又平均,色澤光亮,正﹗又鮮又甜。

炸雞軟骨,炸肉香脆可口,已將大部份油份迫出,食既時後口感乾身,脆卜卜又爽又香口,做得好好。係其他地方食過,大多炸到油淋淋。加埋鮮檸汁,好開胃。

甜蝦刺生,好新鮮,夠晒黏口而且爽滑。

牡丹蝦,大大隻,又爽又黏口,好正 ~ 蝦頭勁大隻又多膏,食極唔厭 ﹗

甜蛋卷、海老天婦羅
29 浏览
0 赞好
0 留言
北奇貝、帆立貝
74 浏览
0 赞好
0 留言
炸雞軟骨
9 浏览
0 赞好
0 留言
甜蝦刺生
19 浏览
0 赞好
0 留言
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2010-10-15
用餐途径
堂食
人均消费
$250 (午餐)
推介美食
甜蛋卷、海老天婦羅
北奇貝、帆立貝
炸雞軟骨
甜蝦刺生