上海飯店 (已結業)

本人係大角咀舊街坊，呢間店同我都有莫大關係...事關我親戚睇錢份上幫佢打工打左十幾年了... 所以都好清楚呢間店的事情。眼見好多食評都係唔錯... 係...幾年前就係，不過佢年幾前已經換左個廚房佬，個個街坊都話食物質素差左... 尤其係佢個小籠包... 普通酒樓都好食過佢...因為佢係用肥豬肉整的，咬落皮厚，無汁，只有豬油，唔太岩年輕人口味。鮮肉鍋貼貼樣皮厚... 肉唔覺係鮮... 無口感，只係真係睇到一粒粒白色豬膏的肥豬肉...無汁... 又係唔太岩年輕人口味。題外話，個老板出左名臭脾氣架啦，罵走左好多伙記了，以前佢老婆都會係鋪幫手，佢成日打老婆，老婆唔敢出聲，幾年前仲因為癌病走埋。老板成日向舊客同伙記話自己個仔係總督察，好威水。d伙記話佢真係會罵客，例如你落單左揀右揀、食野顧住玩電話等等，佢都會唔客氣罵你走，話唔做你生意，仲叫你走快點。不過佢真係唔憂做，佢都只係打發下時間做落去姐...不過佢又真係好平，無得要求咁多ge ...