影片
更多
2023-04-24
56 浏览
我一向對餐廳氣氛有偏好，呢間以馬戲團🎪為主題嘅餐廳環境絕對浪漫繽紛，食物除了選擇多，都好用心製作❤️餐牌好多選擇，主要以西式為主。我們點了一個二人套餐($465)，兩個前菜我們選了一個酥皮湯、一個沙律，主菜選了慢煮16安士dirty鐵鍋祕製牛扒，最後再同飲品。另外，再點了餐廳出名嘅超大份梳乎里，食物全部有驚喜！😋酥皮忌廉海鮮湯：酥皮鬆脆，忌廉湯煮得很香；湯內有不少蜆肉，足料且海鮮味濃郁。沙律🥗：份量頗大，有羅馬生菜、芝士、蕃茄仔和炸麵包粒。沙津醬開胃而不膩，羅馬生菜爽脆、麵包粒不單脆更是鬆軟。鐵鍋dirty祕製牛扒🥩：呢個主菜真係無揀錯，因為牛扒質感好獨特，整塊扒很腍，但同時牛味濃郁。如要形容的話，可能是慢煮令牛扒嘅油脂好平均地分佈喺肉裡面，呢個口感嘅口扒我從未食過。問返係邊個部位，侍應哥哥話係牛肩，只係用慢煮方法，所以會煮到咁腍而入味，再用火燒熟面頭。牛扒以鐵板上時，廚師已經切好一塊塊，但連中間的牛筋都已經煮至很腍。靚牛扒，唔駛點汁都好好味。另外，伴碟嘅薯仔🥔都值得一讚，炸得非常極之鬆脆，仲有啲好惹味嘅燈色粉，我估應該係孜然粉。呢個主菜，兩個人食經已很飽。Pineapple Hat特飲
餐牌好多選擇，主要以西式為主。我們點了一個二人套餐($465)，兩個前菜我們選了一個酥皮湯、一個沙律，主菜選了慢煮16安士dirty鐵鍋祕製牛扒，最後再同飲品。另外，再點了餐廳出名嘅超大份梳乎里，食物全部有驚喜！😋
酥皮忌廉海鮮湯：
酥皮鬆脆，忌廉湯煮得很香；湯內有不少蜆肉，足料且海鮮味濃郁。
沙律🥗：
份量頗大，有羅馬生菜、芝士、蕃茄仔和炸麵包粒。沙津醬開胃而不膩，羅馬生菜爽脆、麵包粒不單脆更是鬆軟。
鐵鍋dirty祕製牛扒🥩：
呢個主菜真係無揀錯，因為牛扒質感好獨特，整塊扒很腍，但同時牛味濃郁。如要形容的話，可能是慢煮令牛扒嘅油脂好平均地分佈喺肉裡面，呢個口感嘅口扒我從未食過。
問返係邊個部位，侍應哥哥話係牛肩，只係用慢煮方法，所以會煮到咁腍而入味，再用火燒熟面頭。牛扒以鐵板上時，廚師已經切好一塊塊，但連中間的牛筋都已經煮至很腍。靚牛扒，唔駛點汁都好好味。另外，伴碟嘅薯仔🥔都值得一讚，炸得非常極之鬆脆，仲有啲好惹味嘅燈色粉，我估應該係孜然粉。呢個主菜，兩個人食經已很飽。
Pineapple Hat特飲：
上枱好驚喜，因為杯飲品真係放一塊菠蘿🍍做頂帽，帽上有隻 flamingo 🦩仲搵少少糖燒個脆面做裝飾，旁邊再配隻膠菠蘿。飲落好香係真菠蘿汁，賣相同味道都好高分，氹小朋友一流。
熱情果茶：
一上枱已經聞到非常香的甜甜熱情果味。配料有話梅、橙、當然仲有熱情果，好飲。
梳乎厘奄列($115)：
呢個梳乎厘奄列係餐廳名物，頗受歡迎。它的份量頗大，足夠三至四個人分享。口感有啲似今年好興嘅pancake ，賣點是蛋味香濃且極度鬆軟，配上忌廉非常美味。我哋覺得平時一個pancake都大約$100 ，但呢一個份量咁足都係$115，性價比甚高，推介！
全餐飯嘅感覺都好滿意，除咗因為食物質素好好、擺盤用心，環境都好舒適自在， 價錢亦都好合理，兩個人食咁多嘢都只係大概$700！（其實份量夠三個人食）
希望下次可以帶朋友嚟呢度慶祝生日，因為間餐廳都好多影相位，會回頭再試。
张贴
