影片
更多
2015-07-26
468 浏览
想去的餐廳無位，誤打誤撞黎左南洋中心，見呢度有位，店員又熱情招呼，一於入黎試一試佢。一坐低，店員就會送上呢個三文魚皮漬物，原來魚皮都可以好爽，口感有啲似海蜇，而個汁又似紅色個啲八爪魚仔，幾特別。老闆誠意推介嘅北海道白粟米，佢話一定要生食先唔會哂左佢。第一次生食粟米，真係好清甜，無渣唔會餈牙，好味！自家調味嘅酸汁，連蔥花，蔥絲同辣蘿蔔蓉，比一陣嘅刺身用。老闆示意唔好點豉油同芥末，會蓋過條魚嘅鮮味。店內招牌名物～手釣池魚！賣相巧靚靚，成條魚上，仲可以用魚骨做成炸物㗎。老闆話先食池魚刺身，之後食混左薑蔥嘅池魚，最後食拖羅。池魚真係好新鮮，唔點醬汁食有淡淡鮮魚味，但絕對唔係腥味。老闆話薑蔥池魚可用紫菜卷起食做成小卷，混合薑蔥口味更豐富。之後再食拖羅，好肥美，油脂爆燈，成口魚油嘅甘香。石垣貝，好少食到呢個，爽口鮮甜，就是貝殼類的味道啦～赤貝，呢個較常見，同樣爽口鮮甜，青瓜卷著吃更清爽。和牛刺身，嘩嘩，唔講得少，第一次食一盤嘅和牛刺身，十·分·肥·美·！！睇見啲雪花紋就知正啦，入口即滆，成完真係滿口油脂，點返和牛用嘅酸汁去膩先。蕃茄豚肉卷，蕃茄爆汁好正，燒得香口～芝士年糕，邪惡之物又黎啦，勁高卡路
一坐低，店員就會送上呢個三文魚皮漬物，原來魚皮都可以好爽，口感有啲似海蜇，而個汁又似紅色個啲八爪魚仔，幾特別。
老闆誠意推介嘅北海道白粟米，佢話一定要生食先唔會哂左佢。第一次生食粟米，真係好清甜，無渣唔會餈牙，好味！
自家調味嘅酸汁，連蔥花，蔥絲同辣蘿蔔蓉，比一陣嘅刺身用。老闆示意唔好點豉油同芥末，會蓋過條魚嘅鮮味。
店內招牌名物～手釣池魚！賣相巧靚靚，成條魚上，仲可以用魚骨做成炸物㗎。老闆話先食池魚刺身，之後食混左薑蔥嘅池魚，最後食拖羅。池魚真係好新鮮，唔點醬汁食有淡淡鮮魚味，但絕對唔係腥味。
老闆話薑蔥池魚可用紫菜卷起食
做成小卷，混合薑蔥口味更豐富。之後再食拖羅，好肥美，油脂爆燈，成口魚油嘅甘香。
石垣貝，好少食到呢個，爽口鮮甜，就是貝殼類的味道啦～
赤貝，呢個較常見，同樣爽口鮮甜，青瓜卷著吃更清爽。
和牛刺身，嘩嘩，唔講得少，第一次食一盤嘅和牛刺身，十·分·肥·美·！！睇見啲雪花紋就知正啦，入口即滆，成完真係滿口油脂，點返和牛用嘅酸汁去膩先。
蕃茄豚肉卷，蕃茄爆汁好正，燒得香口～
芝士年糕，邪惡之物又黎啦，勁高卡路里但又超好味唔停得口，年糕軟綿煙韌，再加埋熱滆左嘅芝士，外脆內軟十級好味。
天婦羅，有蠶豆，粟米同紫蘇葉包帶子海膽三樣炸物。蠶豆好大粒，又粉又脆。粟米好甜又無渣，老闆話好多功夫架，要蒸熟左放涼先切再炸喎。最後嘅帶子彈牙又鮮甜，再加上紫蘇葉獨特嘅香味，吃罷十分滿足了。一路食一路發現大部分都係熟客，老闆同個個都吹到水，又記得哂佢地鐘意食咩，好勁呀。有個咁用心嘅老闆，唔怪之得啲店員咁有禮貌同熱情啦，食得好開心嘅一餐
张贴
