Time Park Lounge

营业中

休息中

今晚朋友帶小妹去左一間係棉登徑嘅隱世酒吧, 酒吧位於地牢, 落樓梯嘅時候就好似進入緊另一個世界咁, 入面嘅天花垂吊住好多植物, 中間放有一隻版製獨角馬, 而側面嘅牆身仲掛有彷動物皮, 裝潢充滿住神秘感覺! 餐牌嘅cocktail選擇幾多, 加上店員話最近推出左新嘅wine list同gin list, 真係搞到我地花多又眼亂🤣, 由於我地都唔太餓所以最後我地揀左一個dinner set同一個小食邊食邊傾!Sesame🍸基酒係帶有雲呢拿同焦糖味嘅Rum, 加上自家製嘅雲呢拿糖漿同芝麻而成的, 芝麻味幾濃, 酒味唔算重, 味道比較甜, 容易入口!香草南瓜湯🥣南瓜湯帶有淡淡嘅香草味, 加埋香脆嘅麵包片, 好有田園風味!自家制特式蟹肉燒賣🦀外層薄薄嘅春卷皮入面包住一大啖蟹肉, 口感香脆可口!啤酒炸薯條🍟我地叫左細薯條但份量兩個人食都足夠!薯條炸得夠熱好香脆, 沾埋黑松露醬, 滋味十足!燒西班牙黑毛豬鞍🐖豬鞍外層焦香, 質感結實, 味道鮮嫩, 配埋薄荷醬汁幾開胃!牛奶紅荳芝士蛋糕🍼🧀🍰芝士蛋糕牛奶味好香濃, 口感軟滑, 唔算太甜, 入面仲有細細粒嘅紅豆仔, 令整體口感更豐富!