金鶴拉麵 (九龍城道) (已結業)

同阿女去土瓜灣探住喺老人院嘅姑婆，臨走經過金鶴拉麵，阿女話金鶴拉麵主打拉麵及沾麵，招牌菜是極濃雞白湯拉麵，味道極佳，值得一試！而家做緊優惠，堂食指定時段和外賣自取都有8折，既然來到，當然入去堂食啦！餐廳裝潢以日式設計，分上下兩層，座位寬敞。極濃雞白湯拉麵，湯底係用原隻日本赤雞烹製8小時而成，程奶白色好濃郁，入口鮮甜及充滿骨膠原的口感，配料有兩塊白滑嫩雞肉和半肥瘦叉燒，最特別係有炸牛蒡，香脆可口又有益，拉麵掛湯後食落鮮味彈牙。北海道蟹湯拉麵：奶白色的濃郁湯底係用蟹熬製出，分量十足的鮮蟹肉碎鋪在拉麵上，蟹湯加鮮蟹肉碎味道鮮上加鮮，加上一大塊極腍叉燒、半隻溏心蛋、紫菜等，湯底充滿濃厚的蟹精華，與拉麵完美結合，讓人越食越滋味！