Kotori_Lbird (已結業)

今日去荔枝角D2 Place附近做完嘢，就諗起有朋友推介過一間隱世樓上外賣店，見係附近就想去買外賣返公司食。呢間小店係由兩位日本人主理，叫咗一個鰻魚飯和一個烏冬返公司同同事分享。 山芋炭燒鰻魚飯鰻魚充滿炭燒香味，肉質嫩滑，師傅處理得很好，一條骨都無，用自家熬制醬汁味道香甜濃郁，師傅仲會即場磨出山椒粉放上鰻魚，香味俱全，仲有清新嘅山芋泥，飯底係用左糯麥加珍珠米，口感煙韌，升糖指數冇咁高，比較健康。十蔬雞肉特制烏冬材料10分豐富，有里芋，大根，菇，甘筍，蒟蒻，雞肉，牛蒡，炸豆腐，蓮藕等，雞肉很嫩滑，特製烏冬冇酸味口感煙韌可口，師傅加咗柚子令到味道更加清新。