湖越

营业中

休息中

最近我去咗一間大美督呢間隱世越南菜小店，幾有風味。首先講下佢哋嘅招牌菜之一：湖越牛魔火車頭河粉$108。呢個牛骨湯底非常香濃，老闆話湯底足料牛骨煲出嚟，真係冇得輸！配料有安格斯牛肉、牛丸、牛筋、牛柏葉同牛展，每樣都各有特色。牛肉嫩滑又香，牛筋軟綿，牛柏葉爽口，牛展更係煮到啱啱好嘅口感。另外，我哋仲試咗越式小食拼盤（小）$168，好豐富。拼盤入面有蝦餅、春卷、香茅豬扒、雞翼、扎肉、咖喱角同豬肉串。蝦餅、春卷都炸得金黃香脆。香茅豬扒夠腍身，雞翼入味。扎肉同咖喱角味道濃郁，豬肉串燒得剛剛好，呢個細搵拼盤抵食！最後點咗鹹魚炒芥蘭$88，夠哂大碟！