影片
电话号码
29482281
开饭介绍
位于大埔大美督，以地道越南风味及优美的自然景观着称。餐厅坐落于山湖之间，环境宁静优雅，提供室内与室外座位，无论是亲近大自然还是享受美食，都能在此找到完美的平衡。
继续阅读
附加资料
-外卖直送屋企楼下
-门外约20个车位免费泊车
-门外免费汽车充电
营业时间
今日营业
12:00 - 22:00
星期一至日
12:00 - 22:00
以上资料只供参考，请与餐厅确认详情
有关奖赏计划
今日屋企人话想食越南嘢，于是我拣咗呢间湖越，贪佢环境好，可以坐耐啲。我哋叫得唔系多嘢食，先嚟过越南小食拼盘，都好丰富，有猪扒，有猪肉串，有扎肉，有鸡翼等等，全部都系炸嘢，另外叫咗个米子卷，好清新，点埋佢个「碌林」汁，味道升华。跟住叫咗个竹炭面包咖喱卷壳蟹，好大份，咖喱汁渗入去竹炭面包非常好食，配搭埋软壳蟹更加系口感一流，埋单四百零蚊都相当合理，有埋咁嘅环境食饭望住个湖，系唔错嘅选择，另外呢度嘅洗手间非常干净，值得一赞
继续阅读
越湖lake Vietnam（ 大埔大美督）今日揸咗车去大埔，见到有间越南菜，门口仲要有得泊车非常方便，即刻入去试吓餐厅有室外同室内，见今日有风，坐室外感受一下，望出去仲有湖，非常舒服又休闲越南街头牛仔骨$128肉质鲜嫩唔会太鞋，脂肪同肉嘅比例非常平均，香浓嘅牛肉味上面铺满大量黑椒，唔会觉得油腻马拉盏通菜$88通菜颜色嫩绿，爽口，带有微辣，浓郁嘅虾酱同鱼露嘅味道，用咗马拉盏嚟炒系泰国一种经典嘅调味，咸香味重，入口惹味，融入酱料，口感丰富椰青焗大蚬$128第一次食到用椰子肉嚟调制嘅大蚬，有好多嘅椰子肉喺入边，每一啖都散发出香浓嘅椰子香味，大蚬份量算多，味道鲜甜，好新鲜，入口又冇沙，有香浓嘅椰青同埋香茅味，够晒清甜，配菜有大葱，香茅辣椒，炸蒜越南珍多冰$42颜色非常鲜艳，用咗斑斓粉制成嘅绿色粉条，质感爽滑，又清甜，椰汁味非常重，入面仲有新鲜菠萝粒
继续阅读
今日落住毛毛雨又入咗大美督行阵，因为唔想出商场去迫，又唔想返大陆咁远，香港好多集团式经营越南菜，味道已经做到好一般，入到嚟见到呢间湖越，有午餐，都几抵食都系60至$70。我哋三个人，二话不说叫咗两杯啤酒，有一个唔饮，够晒冻有冰杯。我哋各自叫咗嘢食，有面包有汤粉有小食，特别要讲吓呢个法包，外脆内软，满满嘅材料有鸡丝同埋扎肉，肝酱同牛油，配料都有好多，好少做得好食，呢个真系推介。另外叫顺化黑豚猪汤河，嚟到碗嘢真系哗咗一声好丰富，有猪肉，鸭血，豆卜，蚬，河粉幼滑，非常好食，汤底系用虾汤，浓郁非常。生熟牛河（走葱），店舖话明系60斤牛骨当然要试吓，上到台个汤够晒热唔在讲，真系好香，牛肉靓，成碗嘢即是味道升华，高分。另外香茅鸡翼同埋越南春卷都做得非常正宗及入味，呢间越南菜真系我喺香港食过数一数二。
继续阅读
Happy Friday 去咗大美督食晚饭，朋友揾咗一间食越南菜嘅餐厅，去到餐厅觉得好惊喜，环境好舒服，我哋拣咗外面嘅座位，吹住阵阵凉风，感觉宁静舒适。见到Menu嘅越式汤粉非常吸引，所以点咗一款试试，另外再点咗个咖喱同牛仔骨。顺化黑豚猪腩肉浓虾汤粉汤头系好香浓嘅虾汤，非常正！本身系配檬粉，我转咗河粉，河粉非常滑。除咗有猪腩片，仲有虾、扎肉、鸭血同豆卜等等，非常丰富。越式椰香咖喱软壳蟹配法包咖喱汁加咗蛋，更加香同厚身，用嚟配法包非常好食。法包好脆身，好香口。软壳蟹好大只，切件后份量好多。抵食！炭烧牛仔骨牛仔骨好香，肉质又唔会干，几好食。食饱之后，由于环境太舒服，所以点咗杯特浓青柠梳打，再坐多阵，一面饮一面倾吓偈，吹吹风，好enjoy。整体食物质素唔错，价钱合理，最重要嘅系环境自然舒适。餐厅外亦有地方泊车，啱晒驾驶人士入嚟食饭。
继续阅读
今日一家人入去大美督食晚饭，订咗呢间越南菜，当晚唔多人可能系平日啦出边风凉水冷，超好环境，又静静地我哋叫咗越南春卷，猪肉串，饭，牛油鸡翼，烧鱼，菜同埋米子卷好多嘢。特别要讲就系个春卷同埋猪肉串仲有个河粉，个越南春卷系人手包，新鲜好食同我越南食嘅一样，个猪肉串又系爆汁。蒜蓉牛油鸡翼，好香牛油味，好食个牛汤河真系好正，浓浓牛骨味，之后仲忍唔住叫多个剩牛丸，呢度啲牛丸又系爆汁全部都系用靓嘢，而家好少小店舍得用呢啲货，完全食得出。👍🏻
继续阅读
您可能会有兴趣的...