Three Blind Mice (已結業)

上個月同同事食farewell lunch,上網發現灣仔有間隱世西餐廳，位置係船街最入，平時人流唔多，其實係灣仔工作左幾年，都知同一個鋪位已經轉手過幾次，但我見評價幾好，而且我一向喜歡支持小店，網上更話餐廳係由靚仔外國人經營，就訂位試下去到餐廳覺得環境幾舒服，雖然鋪仔細細，但令人感覺悠閒，招待我地嘅係一位年青外國男仔，我同同事都叫左set lunch, 可以揀頭盤例如雞翼、沙律或湯，另外當日主菜有牛肉漢堡配薯條、鴨脾等等，再可揀要甜品或飲品，價錢大約$110，唔使加一我叫左雞翼做頭盤，嚟到見到有三隻大大嘅雞翼，配上酸辣汁幾惹味，之後再到牛肉漢堡配薯條，一上枱已經嚇親，因為以我嘅食量一定食唔晒，牛肉漢堡超juicy,仲夾住好多配菜，食到跌晒出嚟，旁邊仲有一碗薯條同少少沙律，我地有幾個女同事都係叫呢個主菜，大家都食到超飽又食唔晒，唯一嘅男同事食完都話好飽，份量真係好大最後我揀左甜品，名字就忘記了，其實係一團忌廉mix左紅莓，我從來未食過呢種甜品，好似話係英式甜品，食完後簡直係飽上飽，早知就跟其他同事揀飲品，佢地揀左薑啤同檸茶最後我碌卡埋單反而等得比較耐，但整體食物質素幾好而且係king s