有蒸氣 海鮮石鍋專門店 (已結業)

難得嚟到佐敦呢頭，就搵左呢間蒸海鮮試下，點知都幾有驚喜，海鮮用料好新鮮又洗得乾淨，員工老闆娘都好好招呼，成個過程都有專人服務你，唔使自己落手蒸海鮮，定時定候就會幫你揭蓋開餐，不過食得蒸海鮮就要有少少耐性啦，因為呢度會係一道道咁上菜。第一道 黑松露蒸蛋，味道幾好，重點係好嫩滑～第二道 鮑魚好彈牙，食得出用料好新鮮同埋洗得好乾淨！呢個係街食比較少見！第三道 日本大元貝呢個勁大粒，我諗材料費一粒都唔平，起碼都幾十啦，同埋都係洗得好乾淨，食得放心～第四道 海蝦/蜆比一般基圍蝦好食～蜆就普通啦～第五道 清蒸美國桶蠔呢個清蒸得幾好，平時好少食蠔，但呢個可能加左啲薑，所以我又ok喎。第六道 薑蔥蒸鮮魷幾爽口不錯第七道 豬肉丸同墨丸墨魚丸都OK，但豬肉丸就唔夠實淨，加左梅菜幾特別～第八道 蒸勝瓜 差唔多結尾食返個蒸菜，清下個口，完美的句點～然後都未完架～仲有個湯飲，我揀左椰子雞，推薦！好鮮甜似係屋企飲咁，足料無加味精！個湯都講緊要百幾，所以套餐定價食到最後其實都覺得係合理既！