The Oyster House (已搬遷) 新店位置

由唔知幾時開始就鐘意食蠔，今次又有朋友報料話呢間The Oyster House唔錯，所以就同老公去食。我地叫左兩款蠔，waiter會介紹食蠔既次序，幾窩心。哇！全部我都覺得好新鮮好好食，又肥美又鮮甜。我叫左一個蠔湯試下，非常香滑，好飲到老公都搶住飲。之後既軟殻蟹意粉同燒美國豬脾我都好滿意，好食得黎份量都唔少喎！由其鐘意個燒豬脾，好厚身，肉質好嫩滑，唔會柴。最後叫左我老公最愛既Tiramisu，本身我麻麻地呢種蛋糕，但係我食落又覺得幾正，好少食到咁綿既芝士蛋糕，又唔會過甜，攪到我地兩個又係咁爭住食😋我朋友今次真係無介紹錯，好食又唔貴，服務又好！