影片
更多
2022-06-12
67 浏览
網上見到好人介紹呢呢間由文華東方酒店前主廚主理的隱世法國fine dining , 今日放假特意同男朋友黎食好嘢試試。餐廳環境感覺高貴浪漫，有一盞大水晶燈。我哋點了一個六道菜嘅法國菜然後加咗個飯同兩杯mocktail。湯個湯係季節限定，今日係野菌濃湯，真材實料好多嘢菌，好香濃，啲cream拌勻一齊飲更香滑。塊蒜蓉包超級香脆，好正。Appetizer 第一道菜係鯛魚刺身，擺盤好靚，紫色嘅蝶豆花湯汁配上食用花，好似一幅畫咁，打卡一流。湯汁嘅味道有啲日式木魚味，係幾清新又特別嘅前菜。法式多士第三道菜係法式魚子多士，賣相好靚，黑魚子配上三文魚子同金箔，感覺矜貴又精緻，加上伴碟的食用花少女感裝飾，靚到唔捨得食。魚子醬鹹鮮加上新鮮三文魚子，層次豐富，配上脆多士係絕配。鵝肝脆撻第四道菜係呢個熱辣辣嘅菜撻，有啲似一個葡撻加上鵝肝粒，香脆嘅酥皮加上香滑蛋漿及口感creamy味道濃厚嘅鵝肝粒，味蕾一大享受。主菜第五道菜係主菜：鵝肝配牛柳，擺盤一如既往，非常精緻美麗。鵝肝煎得金黃香脆，內裏保持嫩滑。牛柳我哋order左五成熟，但係好似有啲過火，像七成熟，雖然口感有啲韌，但肉味香濃，沾上味道濃厚嘅肉汁特別好味
我哋點了一個六道菜嘅法國菜然後加咗個飯同兩杯mocktail。
湯
個湯係季節限定，今日係野菌濃湯，真材實料好多嘢菌，好香濃，啲cream拌勻一齊飲更香滑。塊蒜蓉包超級香脆，好正。
Appetizer
第一道菜係鯛魚刺身，擺盤好靚，紫色嘅蝶豆花湯汁配上食用花，好似一幅畫咁，打卡一流。湯汁嘅味道有啲日式木魚味，係幾清新又特別嘅前菜。
法式多士
第三道菜係法式魚子多士，賣相好靚，黑魚子配上三文魚子同金箔，感覺矜貴又精緻，加上伴碟的食用花少女感裝飾，靚到唔捨得食。魚子醬鹹鮮加上新鮮三文魚子，層次豐富，配上脆多士係絕配。
鵝肝脆撻
第四道菜係呢個熱辣辣嘅菜撻，有啲似一個葡撻加上鵝肝粒，香脆嘅酥皮加上香滑蛋漿及口感creamy味道濃厚嘅鵝肝粒，味蕾一大享受。
主菜
第五道菜係主菜：鵝肝配牛柳，擺盤一如既往，非常精緻美麗。鵝肝煎得金黃香脆，內裏保持嫩滑。牛柳我哋order左五成熟，但係好似有啲過火，像七成熟，雖然口感有啲韌，但肉味香濃，沾上味道濃厚嘅肉汁特別好味，伴碟嘅薯蓉亦都不能錯過，口感香滑。其他配菜仲有矮瓜片、蘆筍及小紅蘿蔔。
香煎北海道帶子黑松露薏米飯
呢個飯係我哋單點的，兩隻北海道帶子都幾大隻，帶子煎得好靚，外層焦香，內裏鮮嫩，有鮮味。呢個薏米飯口感好特別，薏米飯一粒粒好似小珍珠咁，有啲似意大利飯口感。呢個飯有勁多黑松露醬，非常香，每口飯都是黑松露的香味，非常滿足。
甜品
最後便是set lunch入邊嘅第六道菜甜品，今日嘅甜品係朱古力慕絲蛋糕。呢個甜品隻碟非常靚，加上精緻嘅擺盤，睇得出師傅嘅用心。呢個朱古力慕絲蛋糕，係用黑朱古力做的，朱古力味非常濃厚又帶點黑朱古力的甘苦，不會死甜，一層朱古力慕絲然後一層朱古力海綿蛋糕，加上香甜藍莓及士多啤梨粒，呢個甜品好圓滿。
Mocktail
我地分別叫咗一杯pink lady同埋bubble bee， pink lady賣相好靚有個大氣泡，適合女仔打卡，味道喺清新嘅玫瑰味。
bubble bee 顏色好靚，有夏日嘅氣息，味道就像fruit punch 。
總括而言，呢間餐廳嘅食物質素不錯，擺盤精緻，打卡一流，放假嚟呢度嘆番一餐精緻嘅法國菜，fine dine 慢活一下，很不錯。
张贴
