榮哥廚房私房菜

营业中

休息中

今日同朋友嚟食私房菜，之前同事話呢間嘢好好食，廚師係由大餐廳過嚟，煮得一手好嘅中國菜，真係急不及待。餐廳好容易搵，喺地鐵站行幾分鐘就到。入邊環境好寧靜，適合私人聚會，私隱度好高。首先嚟咗前菜，有雲耳，沙律菜，薰蛋茄子。令我最想不到的，就是沙律菜好新鮮。嗰啲汁亦都好好味，酸酸甜甜辣辣。10分開胃。佢個土茯苓鑽地鼠黑霧豚肉湯，好清甜，好粥了。然後有蝦球水芙蓉，侍應話係用蛋白，再加上甘筍汁。超級滑，未食過咁好食嘅水蛋。蝦球亦都好大個，好爽口！然後有黑松露醬炒鮮蘆筍百合，好特別，蔬菜好有味道， 10分健康！士多啤梨黑豚肉排骨好食，士多啤梨帶出酸甜汁。仲有斑片白飯同埋魚湯菠菜，都好好食同埋好入味，同出邊嗰啲酒樓唔同。整體來說，成餐都好健康，冇味精，真真正正食到食物嘅原材料，原汁原味。