影片
更多
2020-01-16
95 浏览
早排食完石燒牛，食過翻尋味～所以同朋友特登同圍搵下仲有無其他石燒牛食，結果搵到呢間離屋企唔算太遠既小店，就去試試啦～雖然鋪頭細細，但係都幾多唔同選擇，又有鰻魚飯，唔同既丼飯，同埋我最想食既石燒牛。另外仲有玉子燒，天婦羅等等既小食。我地叫左一份10片封門柳，一份10片牛小排，追加左一份封門柳，另外加左一個芝士玉子燒。上牛肉個陣，店員都有細心幫我地用一舊牛既脂肪整一整個石先，等我地容易啲燒。牛小板比較淺色，油花比較多同均勻，啖啖都食到牛油既香味，同埋口感都好好！封門柳比較深色，聽聞每隻牛得一條，比較珍貴，而且肉味好濃郁。食落去唔會因為佢油花少要鞋口，反而仲好軟嫩！兩款牛肉質素都唔錯，唔會食到痴牙，而且有好香既肉味，食得好滿足！！每個石燒牛都跟左麵豉湯，白飯同冷熱飲品。加15蚊可以轉稻庭烏冬，朋友就加左錢轉烏冬，我就照跟左白飯。我食左一啖，佢既烏冬都唔錯，幾彈牙。另外佢比既燒肉醬唔係好甜個種燒汁，而係蒜蓉味既，我覺得呢點幾好，因為唔係個個都鐘意甜既燒汁，蒜蓉味既話相對應該比較多人接受，而且又好送飯。芝士玉子燒甜甜地，雖然似係小朋友食既野，但係我其實好鐘意芝士加蛋呢個配搭，平時食三文治仲會叫芝
雖然鋪頭細細，但係都幾多唔同選擇，又有鰻魚飯，唔同既丼飯，同埋我最想食既石燒牛。另外仲有玉子燒，天婦羅等等既小食。
我地叫左一份10片封門柳，一份10片牛小排，追加左一份封門柳，另外加左一個芝士玉子燒。上牛肉個陣，店員都有細心幫我地用一舊牛既脂肪整一整個石先，等我地容易啲燒。
牛小板比較淺色，油花比較多同均勻，啖啖都食到牛油既香味，同埋口感都好好！封門柳比較深色，聽聞每隻牛得一條，比較珍貴，而且肉味好濃郁。食落去唔會因為佢油花少要鞋口，反而仲好軟嫩！兩款牛肉質素都唔錯，唔會食到痴牙，而且有好香既肉味，食得好滿足！！
每個石燒牛都跟左麵豉湯，白飯同冷熱飲品。加15蚊可以轉稻庭烏冬，朋友就加左錢轉烏冬，我就照跟左白飯。我食左一啖，佢既烏冬都唔錯，幾彈牙。另外佢比既燒肉醬唔係好甜個種燒汁，而係蒜蓉味既，我覺得呢點幾好，因為唔係個個都鐘意甜既燒汁，蒜蓉味既話相對應該比較多人接受，而且又好送飯。
芝士玉子燒甜甜地，雖然似係小朋友食既野，但係我其實好鐘意芝士加蛋呢個配搭，平時食三文治仲會叫芝蛋治添！玉子都幾鬆軟，而且都食到芝士既香味，唔錯！
加油
张贴
