芝加哥串燒 (美豐花園) (已結業)

今日入大埔去朋友屋企，差唔多到晚飯時間，大家正考慮食咩嘅時候，住大埔嘅朋友極力推薦食呢一間燒烤店，既然係咁就梗係去試吓啦✌🏻✌🏻，去到嘅時候可能未夠六點半，所以唔駛等就可以入去啦✌🏻，鋪頭唔係好大，但裝修得好精緻，服務員亦都好好禮貌，1）汁燒牛仔骨，有牛味，味道剛剛好又唔會燒到好靱，2）金菇牛肉卷，燒完之後上面加咗一啲燒汁，不錯👌🏻，3）招牌燒茄子🍆，我好鍾意食燒茄子，有時喺出邊食有啲鋪頭會喺上面加好多油，但呢一個唔會太多油，只係略嫌鹹咗少少，4）芝士燒廣島蠔，首先個蠔好新鮮，加埋個芝士醬汁一齊焗好好味👍🏻，5）燒牛油帆立貝，一樣都係好新鮮，時間燒得剛剛好，好鮮甜👍🏻，6）燒雞泡魚干，味道好好，但略嫌油咗少少，但不大影響，7）鹽燒雞皮，燒到脆卜卜，用嚟送酒一流😝，8）照燒銀雪魚，超好食，入口之後有一啲魚油，再加埋佢面頭嗰個燒汁，真係無得輸，呢個極力推介👍🏻👍🏻👍🏻，我個朋友仲叫左手工啤酒，還真的不錯👌🏻，整體來講，絕對值得一試，價錢唔貴，個人推介，芝士燒廣島蠔，燒牛油帆立貝，照燒銀雪魚，汁燒牛仔骨，金菇牛肉卷😋😋真係好好食