燒吧

营业中

休息中

呢間唔起眼嘅燒烤店，絕對係有誠意嘅隱世選擇。佢冇花巧裝修，但一入去就感受到份親切感。環境寧靜舒服，唔會太嘈雜，啱晒想靜靜哋享受美食嘅人。見到隔籬枱叫清酒，店家用上好別緻嘅器皿盛載，呢啲小細節睇得出用心。食物係重點，樣樣有誠意：鹽燒生蠔、蟶子(勁大隻），用簡單鹽燒，食到新鮮原味，火候剛好。雞頸肉，誠意推介！師傅花功夫一條條起肉，食落方便，口感特別爽嫩，值得一試。雞皮餃子，手作感十足，外皮香脆，餡料惹味，有心思嘅配搭。半熟安格斯牛肉，必食之選！牛肉半熟嫩滑到極，撈勻洋蔥粒同濃郁嘅無菌蛋，口感層次豐富。鹽燒雞亦，外皮燒得香脆可口，咬開肉汁滿滿，證明師傅掌握火候嘅功力。成間店由待客到食物，都感受到一份低調而實在嘅誠意。如果你搵緊一間唔商業化、有人情味、食物用心做嘅隱世燒烤，呢度絕對值得你發掘同支持。