心之食堂 (裝修中)

之前聽過朋友講依間餐廳，係銅鑼灣嘅，佢地話好好食，地點又好就腳，今次一於同朋友黎食下！點知真係幾唔錯！首先叫咗個胡椒豬骨湯煮蜆，我覺得都好清甜，有白菜仔既甜味又有豬骨味，胡椒都可以再重手啲，整體黎講係好好飲，我同朋友幾乎成碗飲哂，而且啲蜆真係熟哂開哂，有好多粒，成十幾舊！超足料！之後到既係三文魚茶漬飯，好出色，比想像中啲三文魚味又加重，仲有芝麻、紫菜、粟米，食落好有口感！之後就係都幾出名既邪惡包，本身一聽個名會以為係一個「包」，但原來係鵝肝夾係帶子中間，外面再加一層壽司紫菜。好食到我地想叫多一個！啲鵝肝一啲都唔會「鞋」，仲好多汁無得彈仲有彩虹卷，有4種唔同既壽司放咗一個木製既板上面，有甜蝦、蟹杍、三文魚，每一舊都大大舊，又足料，估唔到壽司好高質！然後再叫咗啲小食，有燒香草豬頸肉，燒得剛剛好，一啲都唔會燶，啲豬頸肉都好有咬感，正！仲有厚燒牛舌心，連成日食開牛舌既朋友都讚好味！最後叫咗個綠茶雪糕，原來仲有爆爆珠係上面，酸酸甜甜，好味我就叫咗熱生薑茶，我超中意！好養生😛朋友就叫咗忌廉鮮奶，不過用啤酒杯裝，好得意！