金鶴拉麵 (九龍城道) (已結業)

金鶴拉麵真係又平又抵食，上次食完雞白湯仲好回味，不過今次lunch嚟到就想試吓新野😁😁😁特上火炙叉燒醬油拉麵🍜叉燒相當腍滑，都幾多塊，面條好彈牙，醬油湯底鹹度適中，就算飲晒都唔會覺得口渴。拉麵嘅配料都相當出色，糖心蛋熟成度掌握得好好，好香蛋味。極尚炸雞吉列豬扒（配豚肉碎飯）🐷🐔呢個set都充滿驚喜，首先份量已經好大，豬扒同埋雞都係新鮮炸起，熱辣辣超香口，點買蛋黃醬食超夾。豚肉碎飯都好出色，飯粒分明，加上入晒味嘅臀肉，正👍🏻👍🏻👍🏻日式炸餃子🥟午餐可以追加小食，日式炸餃子皮脆多汁抹茶軟凍🍵甜品口感煙韌，唔會好甜，用嚟中和口入面嘅油份相當適合。金鶴拉麵真係唔會一樣食物都好用心去製作，真係好值得支持。