Chotto Maki (利源西街) (已結業)

行過中環，俾呢間壽司店吸引到。佢無論裝飾、包裝、食物都好fusion，感覺似外國style 既壽司店。可能係中午四、五點既關係，而且餐廳以外賣為主，所以餐廳人唔多。壽司既味道好特別，材料亦好有創意，同一般傳統日式壽司點不同。Mango dynamite:芒果卷酸酸甜甜，仲有香脆既天婦羅🍤同埋爽脆既青瓜，非常醒胃。Sea monster:雖然得四件，但非常大件，而且餡料最多，味道最香濃。有蟹肉青瓜絲沙律🥗、櫻花蝦、天婦羅蝦、鰻魚汁，仲有炸脆左既蒜片。C-dragon:呢款都好有創意，飯內是天婦羅南瓜，飯面係炸鰻魚，仲有蟹籽和沙律醬。Cali salmon:我最喜歡呢款，因為味道較清淡，入面係炸三文魚，飯面係蟹柳沙律，無濃味既醬汁，呢款最食到食材既原味。