影片
更多
2024-03-18
13 浏览
今晚同老公去左食廚師發辦omakase，餐廳地點方便，門口隱世，內裡環境寬敞舒服。我哋揀左$588及$788套餐，分別係五道菜同七道菜，七道菜就多左個前菜同湯品，其餘五道就係沙律、鐵板海鮮兩品、鐵板肉類一品、炒飯同時日甜品。啤酒：麒麟啤酒做緊買2送1，食鐵板燒飲啤酒，清熱解渴。沙律：黑魚子鋪面，煙三文魚包住沙律菜，中間沙律菜加左柚子汁，而伴碟汁就係黑醋汁，整體清新開胃。前菜：魚子醬，白松露醬加溫泉蛋，賣相精緻。日本蘭王蛋味濃，魚子醬同白松露醬好夠味道，唔錯。鐵板大虎蝦及東星斑：虎蝦新鮮，大隻爽口，連蝦膏都好正。東星斑外皮煎得夠香，肉質結實，omakase我都係第一次食東星斑，真心like。鐵板鮑魚及帶子：鮑魚上面嘅特製蒜蓉醬夠濃，好香，鮑魚易容咬開。帶子帶甜味，同樣煎得夠香，下面就配左塊意大利黃瓜，一齊食味道又幾夾喎。鐵板澳洲牛柳：擺盤精緻，旁邊有個mario mushroom，其實佢係英國蘿蔔，好可愛。牛柳叫左5成熟，多肉汁，好有咬口，唔韌，配炸蒜片或新鮮磨制washabi，兩個味道都係好食。鐵板秋田雞扒：嫩滑多汁，唔肥，配埋上面個酸酸辣辣嘅醬汁，味道幾特別。湯品：昆布豆腐面豉湯，夠
我哋揀左$588及$788套餐，分別係五道菜同七道菜，七道菜就多左個前菜同湯品，其餘五道就係沙律、鐵板海鮮兩品、鐵板肉類一品、炒飯同時日甜品。
啤酒：麒麟啤酒做緊買2送1，食鐵板燒飲啤酒，清熱解渴。
沙律：黑魚子鋪面，煙三文魚包住沙律菜，中間沙律菜加左柚子汁，而伴碟汁就係黑醋汁，整體清新開胃。
前菜：魚子醬，白松露醬加溫泉蛋，賣相精緻。日本蘭王蛋味濃，魚子醬同白松露醬好夠味道，唔錯。
鐵板大虎蝦及東星斑：虎蝦新鮮，大隻爽口，連蝦膏都好正。東星斑外皮煎得夠香，肉質結實，omakase我都係第一次食東星斑，真心like。
鐵板鮑魚及帶子：鮑魚上面嘅特製蒜蓉醬夠濃，好香，鮑魚易容咬開。帶子帶甜味，同樣煎得夠香，下面就配左塊意大利黃瓜，一齊食味道又幾夾喎。
鐵板澳洲牛柳：擺盤精緻，旁邊有個mario mushroom，其實佢係英國蘿蔔，好可愛。牛柳叫左5成熟，多肉汁，好有咬口，唔韌，配炸蒜片或新鮮磨制washabi，兩個味道都係好食。
鐵板秋田雞扒：嫩滑多汁，唔肥，配埋上面個酸酸辣辣嘅醬汁，味道幾特別。
湯品：昆布豆腐面豉湯，夠味得黎唔會太鹹，清清地，幾好。
海鮮炒飯：炒飯粒粒分明，唔會好油，口感豐富，多配料，有三文魚子鋪面，同樣用左日本蘭王蛋去炒，夠香又夠味。
甜品：柚子味雪芭口感清新，冰冰凍凍。紫薯雪糕味道幾濃，兩款旁邊仲有紅豆爆珠，甜甜地，食完就滿足晒。
张贴
