影片
更多
2020-09-25
37 浏览
久違了的限聚令終於完結，酒吧癮一發不可收拾。行過屯門置樂花園旁邊的一間貌似酒吧既食店，諗住入去叫杯酒讓自己好好醉一醉。怎知一進店內，身體內置的美食雷達入到去自動啟動，咁奇怪既？正常一間酒吧唔會有呢種香味嫁喎？拿拿臨打開餐牌，方知原來呢間係一間叫『留民料理』既餐廳。同老闆吹兩句水，知道餐廳原先真係行酒吧路線，限聚令令到老闆要將餐廳暫時轉營。在餐牌中尋找打開我美食雷達的味道，原來元凶就是『原隻炭燒尤魚干』！立馬要來一客，再來一枝德國手工啤。其實小編縱橫美食界多年，真正能讓美食雷達開啟的食物不多。一般的燒尤魚條絕對引唔起我的興趣。但當呢味佐酒小吃送到時，一切迷底都解開。原來佢地既原隻魷魚係『真‧原隻』。需知道魷魚生晒時，有一些漁民會將魷魚內臟全部清除再開邊生曬，這樣地生曬比較容易干透，需時不用太久，但鮮味卻會差ＤＤ。而『留民』用的，是整隻魷魚仔 (俗稱『屎筒仔』)，而且無開邊。漁民在生曬這個狀態的魷魚需時最久，而且中間如果有天雨問題，未曬干的魷魚仔就有機會變壞，所以這樣原隻魷魚干是比較難買到的。二話不說，一啖咬落去，真係燒得超級干身香脆，再配多一啖手工啤，真心覺得活在世上實在太好，每每憂愁時
在餐牌中尋找打開我美食雷達的味道，原來元凶就是『原隻炭燒尤魚干』！立馬要來一客，再來一枝德國手工啤。其實小編縱橫美食界多年，真正能讓美食雷達開啟的食物不多。一般的燒尤魚條絕對引唔起我的興趣。但當呢味佐酒小吃送到時，一切迷底都解開。原來佢地既原隻魷魚係『真‧原隻』。需知道魷魚生晒時，有一些漁民會將魷魚內臟全部清除再開邊生曬，這樣地生曬比較容易干透，需時不用太久，但鮮味卻會差ＤＤ。而『留民』用的，是整隻魷魚仔 (俗稱『屎筒仔』)，而且無開邊。漁民在生曬這個狀態的魷魚需時最久，而且中間如果有天雨問題，未曬干的魷魚仔就有機會變壞，所以這樣原隻魷魚干是比較難買到的。二話不說，一啖咬落去，真係燒得超級干身香脆，再配多一啖手工啤，真心覺得活在世上實在太好，每每憂愁時總會有美食讓自己放鬆。吃完魷魚干過後，胃口開了，而且對其他『留民』的食品滿有期待，所以就點了一客鹵水大豬手，再加一碟Ａ５和牛糕飯。
由於豬手是以慢煮形式炮制，需時會耐一點。但當Ａ５和牛糕飯到達時，飯未食口水已經湧住出嚟！有無咁誇張呀，寫食評咩？！大家試想像一下，和牛糕加入洋蔥粒，再用小量忌廉同香草秘料薈煮，香味會是如何？一啖放入口，味道恰到好處，和牛糕唔會太多，所以有其香嫩味道又不會膩，有點像意大利飯的煮法令粒粒飯都入晒味，整碟飯五分鐘就已經一粒不剩地被處理，真係不得了。在等待豬手來時，又再叫了一樽手工啤...
沒多久，豬手來了，大家如果有食開鹵水豬手，最怕的就是煮得太入味太咸，有啲仲要煮到『梅』晒。而『留民』則在這個時間拿得很準，豬手入口非常彈牙又不失爽滑，最關鍵係佢個鹵水膽，絕對唔係李Ｘ記就咁開出嚟嗰啲，絕對係有歷史地翻煮出來！問過大廚先知道，原來『留民』在酒吧時代已經出產過非常好的鹵水產品，唔怪得呢個鹵水膽咁香甜！可惜係小弟已經飽到１２成，豬手只能消化半隻再打包...
在回味著食物時，突然覺得自己對這個世界還是充滿希冀，就在咫尺間已經有這麼令人陶醉的美食... 埋單一睇，竟然500有找，下次真係要去試埋佢其他菜，有水準的隱世廚師唔係咁易搵的！
张贴
