影片
更多
2023-01-04
41 浏览
Bookmark左呢間實力派法國菜好耐喇😍 餐廳由前中環酒店主廚打理，呢日難得入黎大埔終於試到，果然無令我地失望！餐廳用上矜貴食材，擺盤精緻吸引，就好似欣賞藝術品咁賞心悅目✨L’amour大門都幾有神秘感，磨砂玻璃睇唔到入面環境，有邊個諗到大埔區會隱藏住一間咁正既法國菜？禁門鐘後會有職員開門迎接。餐廳內掛有巨形水晶燈，後面係一個到頂既bar櫃，氣派十足，加上柔和既燈光幾有情調。餐廳有set或a la carte menu，選擇都幾多，價錢合理。由於我地都想揀d餐廳signature黎試，所以就散叫以下菜式：𝐒𝐎𝐔𝐏♢ 🦞𝑳𝒐𝒃𝒔𝒕𝒆𝒓 𝑩𝒊𝒔𝒒𝒖𝒆 𝑪𝒂𝒑𝒑𝒖𝒄𝒄𝒊𝒏𝒐 $168法式龍蝦湯 ‧ 質地濃稠，蝦味濃郁，仲有幾片帶子，誠意十足！附有牛油蒜香多士，焗得幾香口。𝐀𝐏𝐏𝐄𝐓𝐈𝐙𝐄𝐑♢ 🦀𝑯𝒐𝒎𝒆𝒎𝒂𝒅𝒆 𝑪𝒓𝒂𝒃 𝑪𝒂𝒌𝒆 $168自家製蟹餅 ‧ 平時出去食都好鍾意叫蟹相關既菜式，因為剝蟹肉好考心機同功夫。呢個蟹餅真材實料，啖啖都係蟹肉既鮮甜味。外層煎得香脆，上面仲加左魚子醬點綴，口感更豐富。𝐒𝐍𝐀𝐂𝐊♢ 🥄𝑪𝒂𝒗𝒊𝒂𝒓 𝑻𝒐𝒂𝒔𝒕 $228特級魚子醬多士 ‧ 餐廳用上比利時Cav
L’amour大門都幾有神秘感，磨砂玻璃睇唔到入面環境，有邊個諗到大埔區會隱藏住一間咁正既法國菜？禁門鐘後會有職員開門迎接。餐廳內掛有巨形水晶燈，後面係一個到頂既bar櫃，氣派十足，加上柔和既燈光幾有情調。
餐廳有set或a la carte menu，選擇都幾多，價錢合理。由於我地都想揀d餐廳signature黎試，所以就散叫以下菜式：
𝐒𝐎𝐔𝐏
♢ 🦞𝑳𝒐𝒃𝒔𝒕𝒆𝒓 𝑩𝒊𝒔𝒒𝒖𝒆 𝑪𝒂𝒑𝒑𝒖𝒄𝒄𝒊𝒏𝒐 $168
法式龍蝦湯 ‧ 質地濃稠，蝦味濃郁，仲有幾片帶子，誠意十足！附有牛油蒜香多士，焗得幾香口。
𝐀𝐏𝐏𝐄𝐓𝐈𝐙𝐄𝐑
♢ 🦀𝑯𝒐𝒎𝒆𝒎𝒂𝒅𝒆 𝑪𝒓𝒂𝒃 𝑪𝒂𝒌𝒆 $168
自家製蟹餅 ‧ 平時出去食都好鍾意叫蟹相關既菜式，因為剝蟹肉好考心機同功夫。呢個蟹餅真材實料，啖啖都係蟹肉既鮮甜味。外層煎得香脆，上面仲加左魚子醬點綴，口感更豐富。
𝐒𝐍𝐀𝐂𝐊
♢ 🥄𝑪𝒂𝒗𝒊𝒂𝒓 𝑻𝒐𝒂𝒔𝒕 $228
特級魚子醬多士 ‧ 餐廳用上比利時Caviar魚子醬，3件滿滿既魚子醬絕不手軟，仲有幾粒三文魚籽，加埋金箔更顯高貴。多士都有焗過，金黃香脆，簡直perfect match！
♢ 🦆𝑹𝒐𝒂𝒔𝒕𝒆𝒅 𝑭𝒓𝒆𝒏𝒄𝒉 𝑫𝒖𝒄𝒌 𝑩𝒓𝒆𝒂𝒔𝒕 $258
法國半熟鴨胸 ‧ 頗為經典既法國菜式。鴨胸熟度剛好，顏色粉嫩，肉類嫩滑，點埋橙酒汁更加好味！除左鴨胸仲有3款唔同薯蓉(薯仔﹑紫薯﹑南瓜)，口感綿滑。整碟份量都唔少，當佢係一個主菜都得~
𝐌𝐀𝐈𝐍 𝐂𝐎𝐔𝐑𝐒𝐄
♢ 🐖𝑺𝒐𝒖𝒔 𝑽𝒊𝒅𝒆 𝑰𝒃𝒆𝒓𝒊𝒄𝒐 𝑷𝒐𝒓𝒌 𝑳𝒐𝒊𝒏 𝑹𝒂𝒄𝒌 𝒘𝒊𝒕𝒉 𝑪𝒂𝒓𝒂𝒎𝒆𝒍 𝑨𝒑𝒑𝒍𝒆 $298
慢煮西班牙黑毛豬鞍 ‧ 餐廳用左伊比利黑毛豬，夠大塊厚身，肉汁夠juicy。雖然豬鞍厚身，但係都可以煮到岩岩好夠熟，又唔會鞋口。蘋果蓉更顯誠意，切埋一片片用焦糖烤過既蘋果，十分香甜，味道同豬鞍好夾。
♢ 🖤𝑺𝒄𝒂𝒍𝒍𝒐𝒑𝒔 𝑩𝒍𝒂𝒄𝒌 𝑻𝒓𝒖𝒇𝒇𝒍𝒆 𝑷𝒆𝒂𝒓𝒍 𝑩𝒂𝒓𝒍𝒆𝒚 $218
黑松露忌廉半熟帶子薏米飯 ‧ 帶子大粒鮮甜，煎得金黃香脆。特別之處在於用左薏米，口感比米飯硬身，不過勝在高營養價值，成個飯既黑松露味道好濃郁，好creamy~
𝐃𝐄𝐒𝐒𝐄𝐑𝐓
♢ 🍐𝑺𝒐𝒖𝒔 𝑽𝒊𝒅𝒆 𝑹𝒆𝒅 𝑾𝒊𝒏𝒆 𝑷𝒆𝒂𝒓 𝑮𝒆𝒍𝒂𝒕𝒐 $98
法式紅酒燉梨 ‧ 經典法式甜品，賣相精緻。梨肉香甜得黎又滲滿酒紅香氣，同時品嚐到果香同酒香。Gelato質感比較似雪芭，柚子味道酸酸地幾清新。
𝑫𝑹𝑰𝑵𝑲𝑺
♢ 🍸𝑷𝒊𝒏𝒌 𝑳𝒂𝒅𝒚 $118
餐廳既泡泡mocktail超岩打卡，爆破一刻好有儀式感！泡泡帶有煙燻香味，Pink Lady係荔枝味，味道甜甜地幾好飲。
♢ 🍹𝑺𝒊𝒏𝒈𝒂𝒑𝒐𝒓𝒆 𝑺𝒍𝒊𝒏𝒈 $96
唔係好多地方有得叫Sling，賣相好有南洋風情。檸檬同鳳梨汁味幾出，酸酸甜甜。雖然用烈酒做base，但係份量唔會太多，mix得幾好。
L’AMOUR食材用料高級，擺盤精緻，落足心思，估唔到係大埔有間咁高質既隱世小店😍 人均唔洗1千就食到咁高質既西餐，好適合同朋友黎慶祝或情侶約會✨🫶🏻
张贴
