芝加哥串燒 (美豐花園) (已結業)

第二次黎呢間食串燒啦～真心覺得大埔既朋友可以黎試下-燒得絕對比起尖沙咀既串燒更加好食😛呢個係我食完比較後既感覺～真心唔明點解今次黎咁少人食莫非我太早到，7點幾未收工未係時後啤一啤😂😂？果然係親民既小區價錢就有draft beer-碳燒牛扒再度encore，因為真係好香口-玉子燒都係必點item!!!好厚燒，又唔會太老既蛋，再加甜甜地既汁，必點！培根蘆筍卷好爽口既蘆筍，加上bacon食完唔會覺得膩-燒菠蘿又係必點！$18一份有咁多菠蘿仲要燒到一咬就爆汁既狀態😍😍😍車厘茄雞脾肉串既雞都好嫩口，加埋車厘茄又係一個清新既組合☺️-最尾又點少得燒扇貝呢～好香蒜味，一流！