隠家拉麵工場 (已結業)

瘦身男帶瘦身女去西九龍行街街，瘦身女有成八年幾九年無去西九龍lu.... 行街街之餘我地順道去拜訪下呢間隱世又好出名既沾麵因為我地去既時候七點都未到，一去到就有位啦 環境：啲枱櫈真係非常十分離譜，全部都係用汽水箱疊起，枱底唔伸唔到隻腳，張櫈又無預你放腳又頂住，基本上咁嘅擺設係好難坐到，更加唔好話啲袋呀背包可以擺係邊。瘦身男無錯係欣賞工場應該係自己裝修嘅熱誠，裝修雖然簡單但都好有風格，但啲枱櫈真係徹徹底底失敗，客人係會坐到唔想再坐落去，尤其女士更加唔方便，瘦身男女食完就真係即刻賣單走人  （其實坐落已經有啲想走） 服務/衛生：因為一食完個麵，侍應就會將剩返既湯再加清湯比食客飲，侍應都好殷勤，能度好友善 　食物味道： 我地叫左一黑一白，湯底味道很濃，唔知係咪都幾多味精，每食幾啖就要飲大半杯水，麵質感偏稔，不彈牙；沾麵好倚重個湯，未知係咪個人口味問題，兩個沾麵，瘦身女一開始滿懷冀望，一食就已經無興趣食埋去，仲好掛住另一個沾麵店，搞到瘦身女決定搵返果間啲相補出返個食評 ；不過當場有讚既地方，佢個半熟蛋同叉燒真係岩岩好，半熟蛋因為曾浸過，外層蛋白地方已吸引晒湯既，入面就半熟狀