士林·便丼達人 (帝城大廈) (已結業)

前幾日先知原來灣仔有間咁抵食嘅台式便當餐廳。環境有台風，味道都唔錯！兩個人，成枱食物，飽到上心口都係$200左右，抵。滷味方面我哋揀咗豬大腸、豬紅、白蘿蔔、金針菇、甜不辣。豬大腸作為招牌菜之一，除咗份量好多，口感都好好嚼勁，味道十足。鹹酥雞肉燥便當鹹酥雞大大舊，肉質嫩滑鮮美，外皮香脆。肉燥嘅汁都幾濃稠，撈飯一流。台中櫻花蝦餅肉燥撈麵櫻花蝦餅有三塊，外層口感酥脆，餡餅軟中帶韌勁，幾好食。樽仔飲品又cute又好飲！呢兩款都推薦。