香港華商銀行公會

营业中

休息中

聽聞中環有間食店都好出名，但又好隱秘，呢間食肆是私人會所，只供會員及其屬下的銀行員工享用。 但好彩我識有個朋友可以幫我BOOK到D間食晚飯，之後我同老婆即刻去試下。【酥炸墨魚丸】前菜小食，酥炸墨魚丸，外皮炸粉唔會因太厚而影響口感，炸得相當好，裡面係用手打新鮮墨魚肉而成，食落真係又幾爽口同彈牙，充滿墨魚粒好足料。【生磨杏汁燉花膠白肺湯】值得推介!!呢個白肺湯真係落足料，味道清甜，杏仁味豐富，花膠百肺又非常潤喉。個花膠真好大舊同厚肉，正呀。【時果咕嚕大蝦球】這兒的咕嚕大蝦球真不錯仲好大隻，外脆內爽口，炸功不俗，咕嚕醬汁的味道也調配得很好，甜酸適中, 蝦仍然係新鮮爽口。【懷舊豉油王炒麵】唔好以為豉油王炒麵好簡單呀，炒得好都要好考廚師工力，炒麵份量好足，鑊氣十足，調味適中，內裡有爽口嘅洋蔥、味菜、九菜令碟麵食落非常野味。