燒烤屋風味燒烤專門店 (已結業)

响木廠街入面，竟然有一間日式串燒店，有點匪夷所思嘅感覺...每日搭車歸家都經過，每次都躍躍欲試，但每次都得個講字...今日忽然想來個餐前小點，又再路過，no more excuse la...免治雞肉串入面軟骨份量頗多，爽爽脆脆，配上七味粉，惹味...自己在云云串燒配料中特別喜愛牛舌，見有供應，即叫。又係加上七味粉調味，差矣。要食牛舌燒，最佳食法當然係鹽燒，七味粉完全破壞牛舌嘅原有風味。好彩牛舌嘅獨有煙韌口感仍在...買滿二百大洋可送外賣。下次有機會响度買一盤招呼親朋戚友，總好過買超市嗰D雪到發硬嘅貨色la...