L'AMOUR

营业中

休息中

係大埔範圍絕少搵到法國菜，大埔人唔使出香港九龍都食到高級水準法國菜！呢間餐廳真係隱世，除咗地理位置唔顯眼，餐廳嘅門口好特別，店外完全唔會望到店內嘅情況，名星可到之選。餐廳環境高檔坐位舒適，一流一嘅服務，今餐值回票價。時令魚子醬，巴馬火腿，杏仁，餅乾拼盤拼盤賣相好靚😍魚子醬大大粒，鮮甜爽脆，附乾冰上菜，非常新鮮。巴馬火腿大大塊,卷成玫瑰花咁，心動了💓傳統法式鵝肝牛柳鵝肝Juicy入口即溶得黎爽口，濃濃香味在口裏徘徊。牛柳香濃牛鮮味，一咬落去啲汁多到滴晒落碟，外層煎得香香把肉汁完全鎖著。伴碟嘅素材一啲都唔馬虎，迷迭香配上蔬菜精神為之一振！上菜賣相絕對係fine dining 嘅應有水準。威靈頓牛柳牛柳外層用酥脆嘅酥皮包住，好很特別得來味道都好match。牛柳的肉汁將酥皮軟化,口感特別，值得一試。香煎北海道帶子黑松露薏米飯唔想食咁多碳水化合物，薏米飯啱晒我口味。濃濃嘅黑松露汁沾滿薏米，口感煙韌之餘又一啲都唔膩，帶子大大粒鮮甜，超新鮮！大埔區五星水準fine dining 之選。