火鍋隨意門

火鍋隨意門係一間以異國做主題嘅火鍋店，火鍋店入面分左四個唔同嘅區域，分別係中國、土耳其、日本同法國，無論裝修同餐具都會符合返主題，都幾得意，見而家六點前離座有六八折就搵個weekend黎試下。

未入門口已經有一個打卡位，吊椅後面掛滿圖案帳幔，加埋天花上面嘅土耳其吊燈，真係呃倒人呀！

除左門口位，火鍋店入面其中一個區域都佈置成土耳奇風格，連餐具同咕𠱸哩啲細節都照顧到。

中國風格就冇乜特別，比較常見。

其左一間VIP房佈置成日本風。

仲有帶宮庭風嘅法國VIP房。

醬芥$25/位，款式雖然唔多，但present得精緻同常用嘅都有。

醬芥

$25

哩度嘅湯底同火鍋料選擇都好多，連比較少見嘅牛黃喉同牛胸尖都有。

蒜香特式卜卜蜆濃湯鍋($188) - 蜆鍋入面好多大蜆，全部都好厚肉又冇沙，因為加左好多蜆，所以湯底超鮮甜，我地每人都飲左兩碗先開始打邊爐。

蒜香特式卜卜蜆濃湯鍋

$188

蒜香特式卜卜蜆濃湯鍋

$188

手切本地牛頸脊($268/細) - 牛頸脊厚薄適中，滑得黎比安格斯牛宥咬口同牛味重啲。

手切本地牛頸脊

$268

手切本地牛頸

$268

手打菠菜豬肉丸($68/4粒) & 手打芝心牛肉丸($68/4粒) - 兩款丸都好爽口，食得出冇溝粉，特別鍾意個芝心牛丸，入面好多芝士。

手打菠菜豬肉丸 & 手打芝心牛肉丸

$68

白鱔片($128) - 白鱔片好新鮮肉質結實，如果切返厚少少更好。

白鱔片

$128

萵筍($48) - 快灼幾秒就食得，非常脆口。

萵筍

$48

椰皇水($68) - 非常清甜，椰肉唔會太硬。

椰皇水

$68

總結，裝修幾靚，連餐具哩啲細節位都配合埋，雖然定價唔平，但湯底同火鍋料質素幾高，六點前離座有六八折幾抵食。