隨心 (已搬遷) 新店位置

本來想食太安樓海南雞飯，但咁啱冇開。一心想食海南雞，突然醒起友人提過鰂魚涌有間海南雞好食，就行去食。海南雞飯用左個筲箕裝住，幾特別。跟餐送左杯雞湯，不過飲落都幾咸。食左一啖雞，係幾滑，不過冇乜味，似白切雞，都幾失望，因為友人對呢間野好高評價。好在油飯唔錯，拉返啲分。同行友人就叫左燒雞飯，我覺得比海南雞出色。雞皮燒得香脆，仲保留左油分，送返啖飯真係好正。整體來說，海南雞飯的味道不似預期，有點失望，幸好燒雞挽回一點面子。