影片
更多
2019-09-29
58 浏览
星期日最佳的節目，莫過於瞓到自然醒，然後悠悠閒閒地外出吃頓午餐。唔想行太遠，老公提議不如去海光街嘅「隨心」。其實這間主打星馬菜的食肆，口碑一向唔錯，餐廳開業多年，平日午巿以附近白領為主，而晚上則有不少街坊客捧場。餐廳看似不大，但只要往右轉，就會發現原來店子佔據了兩個舖位，裝潢簡約時尚，牆壁上掛著多幅新加坡當地的風景相及惹人垂涎的美食照，令人目不暇給！先拿起店員送上的餐牌細看，咦！原來星期六、日及紅色假期也有套餐供應，看看腕錶，時間剛好，可以同時點吃午餐及下午茶餐。午市套餐共有 10 款可供選擇，定價由 $68- $80 不等，而下午茶餐則以輕食為主，定價一律為 $45。我哋點咗無骨海南雞飯、雞絲貴刁、 咖央多士拼森巴雞翼。隨心海南雞飯(無骨) ($70) 率先送上，雞件看起來皮薄而脂肪少，肉質有彈性，皮肉分明，入口不失油香，加上雞皮滑溜、雞塊入口更是啖啖肉，無論是用來配帶甜味的黑醬油、落咗雞油的薑蓉或酸辣惹味的辣椒醬吃，食味亦頗不俗。而老公就特別欣賞碟上的油飯，說吃起來飯粒分明、軟熟爽口，咬下帶濃郁的椰香味，卻又毫不油膩，頗對胃口。至於以杯子盛載的雞湯，成品加入了少許杞子略為吊味，入口
星期日最佳的節目，莫過於瞓到自然醒，然後悠悠閒閒地外出吃頓午餐。唔想行太遠，老公提議不如去海光街嘅「隨心」。其實這間主打星馬菜的食肆，口碑一向唔錯，餐廳開業多年，平日午巿以附近白領為主，而晚上則有不少街坊客捧場。
餐廳看似不大，但只要往右轉，就會發現原來店子佔據了兩個舖位，裝潢簡約時尚，牆壁上掛著多幅新加坡當地的風景相及惹人垂涎的美食照，令人目不暇給！
先拿起店員送上的餐牌細看，咦！原來星期六、日及紅色假期也有套餐供應，看看腕錶，時間剛好，可以同時點吃午餐及下午茶餐。午市套餐共有 10 款可供選擇，定價由 $68- $80 不等，而下午茶餐則以輕食為主，定價一律為 $45。
我哋點咗無骨海南雞飯、雞絲貴刁、 咖央多士拼森巴雞翼。隨心海南雞飯(無骨) ($70) 率先送上，雞件看起來皮薄而脂肪少，肉質有彈性，皮肉分明，入口不失油香，加上雞皮滑溜、雞塊入口更是啖啖肉，無論是用來配帶甜味的黑醬油、落咗雞油的薑蓉或酸辣惹味的辣椒醬吃，食味亦頗不俗。而老公就特別欣賞碟上的油飯，說吃起來飯粒分明、軟熟爽口，咬下帶濃郁的椰香味，卻又毫不油膩，頗對胃口。
至於以杯子盛載的雞湯，成品加入了少許杞子略為吊味，入口清甜滋潤，喝罷沒半點油膩感，水準亦不俗。
雞絲貴刁(輕量) ($45) 貴刁以馬來西亞黑豉油及參巴醬炒成，外形比河粉較厚及闊身，食落煙韌富嚼勁，配埋雞絲、蛋絲和芽菜等一起吃，入口香辣惹味，層次豐富。
咖央多士拼森巴雞翼 ($45) 多士烘得非常香脆，咖央醬做得順滑濃稠，非常足料，蛋香、椰香及斑蘭香調得平衡，甜度亦不高，整體味道自然，風味正宗。雞翼大大隻，有肉地又入味，而且炸得夠曬鬆化、肉汁仍在，加上以森巴醬炮製，入口鹹香微辣，讓人一口接一口。
跟餐飲品點咗凍咖啡 (+$2) 同凍檸檬薏米水 (+$2)，咖啡味道非常濃郁，完全無被冰粒沖淡，而且最抵讚就是甜度得宜。另外檸檬薏米水，味道亦唔錯，入口清甜正氣，既健康又有益。鰂魚涌雖然無銅鑼灣咁旺，但其實區內都有唔少值得一吃嘅食肆，有空一定會四圍去探索下。
张贴
