Flames (海濱匯)

营业中

休息中

朋友喺官塘工商業區返工，約左佢放工揾佢食飯，佢話呢度環境唔錯，就帶我黎呢度。呢個商廈好新同幾靚，稍為偏離勁繁忙嘅觀塘工商業區。我哋八點到，間餐廳都仲係full House咁。music好啱我心意，成個氣氛都好好，唔多西裝友，反而幾多後生仔。我哋叫咗雜菜沙律西冷扒拼薯條炸雞同埋蘑菇湯。雜菜沙律好大份，性價比幾高。西冷扒朋友話好味，我冇試到。但係個薯條超大份，我都食咗唔少，炸得好夠熱好脆口。我個炸雞，分量又係唔細，新鮮炸，好熱，入面又有肉汁。整體環境，食物一流，價錢合理。👍🏼👍🏼見到出面有一大片草地，outdoor area。但係可能因為疫情，嗰晚冇開。如果開放，喺出面happy hour，應該會更chill，希望下次黎有開再試下。