夜梟 (已結業)

朋友當中個個都講緊呢一隻陳皮啤酒，話佢清清地唔會好重好濃陳皮味，但係都可以入口清清地嘅，自己雖然唔係一個鍾意啤酒嘅人但係講到試新野梗係要去試吓啦。所以今日就同一個朋友去咗一間係尖沙咀貌似新開嘅餐廳試吓啦。間餐廳有兩層，下面有吧枱，聽講佢哋嗰調酒師係韓國人，所以啲雞尾酒都應該幾特別但係就無緣試啦，因為太肚餓嘅關係所以去咗上層嘅餐廳!! 試陳皮之外，仲順便試埋TastingMenu。同朋友share左一個$380菜單，沙律有無花果帶子涼拌木耳，有一個頭伴叫做冇骨氣係玉桂蘋果釀無骨雞翼，仲有妃子笑東坡係真空慢煮左36個鐘嘅東坡肉同埋荔枝果凍，因為朋友肚餓嘅關係所以我哋加左＄68叫一個黑松露意大利粉，甜品就有燒咖啡甜酒棉花糖。沙律係幾清新嘅，帶子煎得金黃色再加上木耳好refreshing。頭伴都幾得意，無諗過蘋果都可以配雞亦，自己最喜歡就係個慢煮東坡肉，汁調得幾好，唔會過甜過咸!黑松露意大利粉嘅磨菇有少少醋味，未知係因為什麼原因，但係同pasta都算夾嘅，好香松露味，亦唔會慳住咁俾。甜品亦幾得意，據waiter講係燒完再低溫凍住，要讚下佢嘅果仁醬真係好好食，唔會太甜。重頭戲嘅陳皮啤酒，真係不負