阿詩瑪壹菌 (已結業)

約左朋友去太古城食嘢，朋友話請我食飯，由於我迷失於太古城，好彩最後都搵到呢間紅色好古色古香嘅"食府"。由個名阿詩瑪壹菌, 真係估唔到食乜菜色，睇到個menu 先知雲南滇菜。 我個心想，個friend唔係想挑戰我食嘢底線，因為我見到有蜂蛹呢個 item.....不過最後只係虛驚一場，個friend order 都係啲正路嘢。糯米香茶係天然保健茶，香醇芳香。水煮魚， 好好味，香辣也都到位，好似我上次在上海食嘅一樣，不過最可惜, 魚骨比較多。枌絲蝦煲，枌絲爽口， 蝦肉新鮮, 送飯一流。細細窩氣窩湯， 足料味濃， 飲完成身慶曬。甜品有啲甜得滯, 不過幾特別, 有啲似大菜糕。由於飲完啲湯，成身好慶，所以叫左杯咸檸七降溫。呢餐相當滿意, 至少知道除左蜂蛹, 仲有好多嘢選擇。