影片
更多
2009-01-02
14 浏览
除夕晚天氣寒冷，最岩就係同家人去打邊爐兼慶祝新一年來臨。海港九點後火鍋配料有特價，我地早在八點三去到拎位，但已經好多人係度等候了，想不到會有冇多人呢!不過因為酒家本身比較細，加上大堂位置擺放左不少檯椅，令到等位既位置比較逼。等等等，大約九點半先有位。雖然我地獲分配的不是火鍋檯，要係檯面加上電磁爐，但爐不會太高，唔駛成日要企高放野入爐。我地叫了大良魚湯鍋底，鍋底係奶白色的魚湯，內有炸魚塊、腐竹同埋大蔥。魚湯味道淡淡的，沒有什麼魚味，相信只是一些現成製成既湯底。雖然有炸魚塊，但不會令成個湯底太油，不會熱氣。呢度既火鍋生料各有不同既價錢，有平有貴，任君選擇。最後我地四人叫了肥牛、魚皮餃、水餃、生根、腐竹、雞肉、鯪魚球、脆肉鯇、生菜。其中首選推介係水餃，不知道係來貨定自家製，材料十分豐富。有木耳絲、豬肉同蝦。水餃賣相做得不錯，水餃皮就好像食雲吞咁有靚靚金魚尾，豬肉係瘦肉，不會有成大堆肥肉出現，木耳絲爽脆特別，而蝦亦很大隻，整隻水餃餡料調味很美味，真係要講句皮薄餡靚呢!而腐竹可能配上魚湯底，覺得特別美味。腐竹好似煲腐竹雞蛋糖水咁滑咁香，而且仲吸收哂湯汁呢!肥牛我地叫了兩碟，雖然不是話最靚，但都好
我地叫了大良魚湯鍋底，鍋底係奶白色的魚湯，內有炸魚塊、腐竹同埋大蔥。魚湯味道淡淡的，沒有什麼魚味，相信只是一些現成製成既湯底。雖然有炸魚塊，但不會令成個湯底太油，不會熱氣。呢度既火鍋生料各有不同既價錢，有平有貴，任君選擇。最後我地四人叫了肥牛、魚皮餃、水餃、生根、腐竹、雞肉、鯪魚球、脆肉鯇、生菜。其中首選推介係水餃，不知道係來貨定自家製，材料十分豐富。有木耳絲、豬肉同蝦。水餃賣相做得不錯，水餃皮就好像食雲吞咁有靚靚金魚尾，豬肉係瘦肉，不會有成大堆肥肉出現，木耳絲爽脆特別，而蝦亦很大隻，整隻水餃餡料調味很美味，真係要講句皮薄餡靚呢!而腐竹可能配上魚湯底，覺得特別美味。腐竹好似煲腐竹雞蛋糖水咁滑咁香，而且仲吸收哂湯汁呢!肥牛我地叫了兩碟，雖然不是話最靚，但都好新鮮，而且亦有好香油香味，以第二碟為佳。鯪魚球有大既十幾粒到，新鮮彈牙冇太重既腥味，亦都落左少少既調味，令整粒鯪魚球鮮味更加突出。脆肉鯇新鮮不霉，雖然有骨但都係一些大骨，好容易搵出。碟碟材料都碟碟新鮮，值得一讚!
食完後還食了甜品，有媽媽的桂花糕，我的芒果布甸、妹的楊支甘露同姐的椰王燉雪烚。我各試了少許，其中以雪烚椰王燉蛋白最為好食，一向不太愛熱食甜品既我都喜歡。話雖是雪烚，但食落口感似啫喱多些。但最重要是蛋白，很滑而且有蛋香，仲滲入少少椰香味，係一個清甜甜品。楊支甘露就酸酸甜甜，芒果酸了少少，但整體很開胃美味。至於芒果布甸係普通貨色，桂花糕就不好食，太過甜掩蓋左桂花香味。
總括火鍋配料質素好好，整餐都很滿意。要讚既係呢度既侍應好好，有問必答而且問多些都冇嫌麻煩。同埋問佢拎野一定即時拎比你，唔會一了了之。唯一缺點係環境欠佳，比普通酒家嘈，可能是長方形設計，聱音比較集中同埋迫。同埋個廁所比較殘舊但尚算清潔既。但有一好處就係對要泊車既人就好方便，因為酒家旁邊就有停車場，行幾步就去到。
約$380
张贴
