富山和食料理屋 (已結業)

除夕夜同老公撐枱腳，老公日日都話想食牛脷。今日等佢收工就同佢黎食囉一坐低就叫三客燒牛舌啦！食過咁多間燒牛舌，佢最好食！首先份量非常夠，每客兩串，每串兩件！而且仲要係大大塊！ 都夠厚，唔會薄薄一塊！黑椒等醃料好夠味，而且火喉剛剛好熟透又唔會太乾，入口非常juicy又香牛味！肉質鮮美又嫩口！加埋檸檬汁，真係好正！不過唔太中意檸檬嘅切法，每次擠檸檬汁都擠得唔好，成手都係鹽燒雞翼都係老公最愛！不過覺得今次麻麻地，味道比以往啖，唔夠鹹，火喉亦差少少！肉質都唔乾，好鮮嫩但可以再燒多一陣。拆左骨，食起上黎好方便！鹽燒鯖魚，火候啱啱好！外皮香脆，裏面肉質多汁鮮嫩又冇咩細骨。加埋檸檬汁，食落真係好開胃。但我覺得稍為有啲魚腥味，因為我之前食過有啲真係鮮甜而冇魚腥味火炙椒鹽味三文魚壽司，老公嫌佢燒得唔夠熟，啲三文魚仲係好生，老公唔敢食。咁就我幫佢食啦🤣😂椒鹽味好特別，好惹味！而且好鍾意佢啲壽司飯細細舊，唔會食到好滯雖然好多人都話唔好食三文魚，但我始終都係好鍾意三文魚嗰陣味🌚牛肉火鍋數下數下都有10塊牛肉，仲要唔係碎濕濕！都OK抵食嘅湯底甜甜地，應該都係豉油味淋果類煮成嘅湯。蔬菜份量都OK嘅，夠兩個人食。壓軸