Va Bene (已搬遷) 新店位置

靚仔請食飯，當然一囗答應，到了蘭桂芳，被一間意大利餐廳的裝修環境吸引，走了入囗侍應招呼我們坐下，只見場內只有三四枱外籍客，已經覺得奇怪，星期六晚上蘭桂芳人頭湧湧，但間餐廳職員仲多過客，問部長有甚麼美食推介，部長很有耐性推介各種食品，靚仔揀了個牛柳，我就揀了個龍蝦仔番茄忌廉意粉加杯凍檸茶，之後侍應奉上一大籃麵包，外相很吸引，但一擺入囗又乾又凍又硬，好似d隔夜麵包甘，d蕃茄粒又無味.為了留個胃食主菜，所以無再食d麵包..主菜上後，意粉及牛柳賣相非常吸引，但一食落囗.救命！從來未起中環區食過甘難食既嘢，之前去soho間東歐餐廳已經中過一次招..呢間仲恐佈.D意粉咬落去係硬到未熟既，個汁及格但d龍蝦全完是梅到爛的，味到只有一大陣腥味+雪味，好似擺咗起雪櫃千年既肉咁，食咗2啖已經無胃囗，靚仔個牛柳仲大件事，我試了一囗，以為自己食緊牛肝，梅到不得了，薯茸及格.唉.靚裝修氣氛甘好招呼甘好賣相甘好都無用，好睇唔好食..原來男人女人一樣，都容易被美麗既外表欺騙.＞.＜靚仔話唔想浪費勉強食晒件梅到飛起既牛柳，我就只吃了2啖意粉..之後部長嚟收碟，問我地d嘢啱唔啱食，我好老實甘話佢知我從來未食過d甘難食既嘢