大和牛石燒專門店 (已結業)

呢晚屋企無飯食，於是唯有到附近商場搵嘢食。途見之前朋友提及過嘅「大和牛」，見到佢哋最近推出和牛漢堡系列，價錢相宜，幾吸引，就揀個餐食啦。.經典和牛漢堡 升級加配（沙律菜、薯條同汽水）$70特厚和牛漢堡，有150g嘅手打和牛扒，有筋，但肉滑，而且有厚度。.洋蔥同生菜新鮮，份量適中，加埋秘製醬汁，味道佳，令牛扒味道更有層次。.到自取吧夾沙律菜，可任添加，菜新鮮，薯條少油但脆口。.如果呢排想食石燒和牛以外嘅食物嘅話，食漢堡系列會係一個唔錯嘅選擇。