大和牛石燒專門店 (已結業)

週末又去覓食今次嚟到呢一間 牛肉石板燒因為之前已經試過佢嘅石板牛肉 今次試下佢個鐵板入去嘅時候都係唔使等位室內環境都唔錯有卡位坐，坐得幾舒服只要叫套餐就可以享受返出面自助沙律，飯，湯沙律麵豉湯日本鹿兒島降霜牛柳 鐵板飯 $82牛肉味好香個味道同pepper lunch係一樣分量都算係幾多唔夠飯嘅仲可以喺出面 再加飯美式什扒鐵板餐 蒜蓉汁 $88分量算係幾多塊雞扒好大塊 塊皮都煎得好脆豬扒就冇乜特別煙肉亦都有兩塊 幾好食仲有薯條同菜性價比算係幾高 又有自助沙律 又有湯

如果大家係九龍灣食黎食去都係大集團歺廳， 想試吓d 小店， 本人推薦d 間， 大件抵食， cp 值高， 而地點都方便， 係淘大商場行前多少少， 不過個舖位有啲難搵， 入到個商場行咗一陣先搵到， 可能商場要加多d 指示。環境服務衛生全部正常， 中規中矩， 🈶️一排梳化位， 價錢同質素成正比.雙層芝士和牛漢堡- 有二大塊和牛， 超厚身， 好誇張， 張到個口最大都唔能夠一次過食曬包面， 包皮同d 芝士和牛， 啖啖肉， juicy , 同埋個皮比較軟身，烘熱咗少少👍👍薯條-份量算多， 粗身， 即叫即炸， 熱辣辣， 好味快食經濟之選

隱世牛店，超正！今日去到九龍灣，好想食牛吖，而且又想去d小人d既地方，就搵到得寶商場，入到去，真係好多選擇，好多小店都好吸引，當然最吸引我就係大和牛石燒專門店。澳洲M8和牛肉眼飯，因為太肚餓，所以我升咗級，真係超香牛味，配埋飯真係不得了，牛肉燒汁係自助嘅，加埋燒汁就真係好香啦😻雙層芝士和牛漢堡，真係超豐富既牛，愛牛者必食，好滿足！超有驚喜嘅就係3.6牛乳卡邦尼意粉，超正吖，夠奶味，焗埋仲好香！愛牛者必試之店！

今日去到九龍灣一間隱世小店 📍大和牛石燒專門店 食熱石牛扒😛😛依間小店提供好多款牛🐮，美國安格斯🐮、紐西蘭🐮、澳洲🐮、日本和🐮，而且重有石燒🔥、鐵板、漢堡等食法。日本A5和牛🐮200克都係$278，真係平過去超市買🤣🤣另外只要叫套餐，都可享用餐廳自助吧，有沙律🥗、日式雜菜麵豉湯、及珍珠米白飯🍚任食。🔸 日本A5和牛眼蓋100g🔥🐮｜$158日本A5和牛肉眼蓋🐮擺盤夠靚，好似刺身片咁，油脂分佈（雪花紋）平均 ，雖然稱唔上最靚款，但肉質好柔嫩，好香牛味。附上超熱的熱石板🔥，可以根據自己嘅喜好，係熱石板上面燒一會兒就食得👍油脂夠香，可以食餸到兩碗飯食😋😋📍大和牛石燒專門店牛頭角牛頭角道3號得寶商場地下123號舖

朋友食過呢間覺得平靚正，就帶我過嚟一齊食。🤪質素都幾高，最重要係物超所值，因為價錢真係幾平！🤩$50-80就有一個好好食既burger餐(有小食飲品)。環境坐得都幾舒服，仲有自助吧，有得麵豉湯同食沙律菜👍🏻珍寶啡菇和牛漢堡 (套餐$78)Burger好大個！又足料。😆個層和牛好厚，個啡菇都好大塊。和牛係充滿肉汁，超正，牛味亦好重，都煎得好香口。🤤個包皮都外皮小脆內裏軟熟，好正😁美國焗薯條薯條超脆，薯仔味都好夠。佢就無乜落到鹽，鍾意多鹽既朋友可以自己加。👍🏻好香口，好鍾意食！😋

呢間我之前都食過幾次，真係性價比好高既一間餐廳！今日終於的起心肝分享下俾大家😂佢有個迷利自助吧，有沙律菜，麵鼓湯，飯仲有醬汁俾大家自己拎。😁未食正餐有餐前沙律食下係幾開胃既👍🏻環境好舒服，座位幾多，員工都好有禮貌。野食都好多款，又好食，價錢又唔貴😆美國安格斯牛膈肌 ($130/300g)呢個係超級超級好食！牛味好出，肉質又唔“鞋”，口感極佳。🤤我覺得係好正，而且係燒到好香，又唔會燒到痴底or燶。👍🏻容易控制，係幾好的🤭另外自己加小小鹽同黑椒，好好食！炸雞塊 (套餐+$3)燒肉轉套餐加小食同飲品都就加$15, 炸雞塊要另+$3。炸得皮脆內軟，入面好Juicy,雞塊都好滑，好正🤤又唔會落左好多鹽，個調味做得好好👍🏻三重芝士自家製和豚豬柳阿波尾雞蛋漢堡 ($65)三重芝士好邪惡，有一層芝士係溶左既芝士，好正！個包勁大，好吸引😍個和豚豬柳肉汁超多，豬味又濃，口感又超正！再配埋隻雞蛋，真係無得頂！🤩牛油粟米都幾好食，粟米粒爽口👍🏻牛油夠香。

在商場內的大和牛大和牛石燒專門店，我同老公黎撐枱腳，緊要點下佢哋出名嘅牛啦⋯⋯老公話:大和牛除咗石燒，還有漢堡，都可以選擇喎！但我都係想食牛，所以叫左日本鹿兒島霜降牛柳$78，加錢18蚊肉量50%up另外(小食+飲品$15)我再加埋芝士同一罐可樂，牛柳切成細細的，肉質夠滑。另外叫咗澳洲M8和牛肉眼$98，加錢38蚊肉量50%up另外(小食+飲品$15)呢份我就再加埋泡菜同一罐可樂，牛肉眼切薄片，泡菜整得好食。唔夠飽重可以出去自助區，食沙律菜同白飯，飲麵豉湯都好味。

今日同朋友行開九龍灣，不過假日度度都好多人，行過少少去左得寶廣場睇下有咩食，見到有石頭燒，因為唔想食放題燒肉咁多，但又唔想食牛扒咁大塊，而呢間岩岩好，有高質嘅和牛，又有高質嘅牛扒，滿足左我哋口引得嚟又唔洗太貴。我哋叫左100g嘅日本和牛，油脂分布一流唔洗多講，要好專心咁煎，因為稍一不慎，好可能會老左。另外叫左個澳洲的和牛，厚切的牛，用多小小時間煎熟表面。。再切開因應返個人口味處理生熟程度。必配嘅任飲任食嘅湯同飯。加埋沙律。。。點會唔飽。。除左石頭燒的牛外，仲有漢堡包同鐵板飯食，基本上一桌四個人，個個食唔同野都可以滿足到各人口味。🤭

秋天起 就係食燒肉嘅節奏平時鐵板燒食得多今次試吓食石燒😝返工做嘢太辛苦同朋友叫左兩份和牛嘆下分別係 日本A5和牛眼蓋😋澳洲M6和牛小排日本A5和牛眼蓋油脂分佈（雪花紋）尙算平均 ～當然未係最靚個種係熱辣辣石板上面燙兩下已食得！👍牛肉入口即溶 點埋醬油食飯都可以食兩碗🤣反而 澳洲M6和牛小排牛味較重 而且加少少鹽同黑椒 可以令牛肉味道提升👍火喉更加自己控制 五至七成熟😋 石板夠熱 可以煎香外皮 鎖住肉汁！店內仲有自助醬料吧，沙律，白飯，麵豉湯仼仼飲食特別讚下 麵豉湯入面有少少洋葱雜菜🤣又幾夾幾好味 我飲左兩碗🤣

朋友請我去食好西，成日好想去食石燒牛。終於今晚有飲食達人帶路。九龍灣收工，就去左附近嘅德寶商場，搵到呢閒「大和牛石燒專門店」。呢間餐廳有好多款牛，有鐵板牛肉飯、石燒牛肉餐、牛漢堡餐，仲有素食漢堡等等。凡點套餐，都可享用自助區，有麵豉湯、白飯、及沙律任食。牛肉種類選擇很多，有日本和牛，美國、澳洲、紐西蘭安格斯牛等。更有多種牛肉部位供選，更免收加一。「美國安格斯肩胛肉眼鐵板飯」，我嘅至愛，加倍牛肉，價錢$82。鐵板燒熱，加入白飯、大量牛肉，加入燒肉汁，利用鐵板溫度炒熟牛肉，飯味收牛肉香味及燒汁，非常惹味。「紐西蘭天然牛肋條」，朋友推薦我試呢款，的確性價比很高，只需$65，肉質有少許筋，但不太靱，有點爽口。而且牛肉及油香都較濃，入口特別甘香，我都覺得朋友推薦呢款不錯。「澳洲黑安格斯西冷」$138，相對肉質較實，勝在不會太油腻。

隱世小店大和牛！好牛之人必到！性價比高！一個和牛漢堡只係$66！份量同某間連鎖漢堡店差唔多。呢度除咗有burger ,鐵板飯仲有鐵板牛，食物款式唔少，仲有自助沙律吧，有白飯，麵豉湯任裝！澳洲黑安格斯西冷塊肉厚身，有質素的牛！連石燒上枱，想燒到幾成熟自己話事。肉汁豐富！雙重芝士和牛漢堡有兩大塊厚身和牛，濃濃嘅牛肉香又多汁，好有份量，食半個已經飽。可以叫套餐有小食同飲品。澳洲M8和牛肉服鐵板飯熱辣辣嘅鐡板飯加上和牛牛油同肉汁，食到停唔到口。

.呢幾日好凍🧊 我凍到想死😂😂😂我地就話不如食啲熱啲嘅野 最好熱到出煙💨🔥 所以就去附近搵下有咩想食 但搵左一大輪都冇間岩心水 去左得寶商場 本身冇諗過有好野食但又比我地搵到間喎😻 飯仲係可以任食🍚 湯任你裝🥣 沙律任你夾🥗 而且唔算貴✨✨又有牛豬雞食🥹真心推介😻.🐷澳洲黑安格斯西冷 👅8.5/10 $188@300g大家可以見到佢嘅西冷真係幾大塊🥹🐮 肉質算係幾嫰滑🐷 牛味好濃🫶🏻🫶🏻 另一方面 呢塊西冷都算係幾靚 同埋又唔會啖啖都係啲大大忽嘅肥膏 比例好好👍🏻 $188黎講我覺得唔算貴 加上白飯任裝真係樂岩任何嘅大食人士🤣🤣🤣（爽爆‼️） 啲飯係日本米 食落好香✨ .🐷轉套餐 +$15🐷小食 炸雞塊🐓 👅7.5/10 +$3啲雞都幾大粒 同埋炸到唔會乾身 唔錯🤣🐷飲品 可口可樂 Plus.味道👅：8.5/10賣相👀：9/10扺食💰：8/10服務🙇🏻‍♀️：9/10.大和牛石燒專門店📍牛頭角牛頭角道3號得寶商場地下123號舖.#吃貨日常#香港#茶餐廳#Cafe#麵包#西餐#中餐#日本菜#韓國菜#泰國菜#堂食#好西 #香港美食 #foodiehk #hkfoodie #牛頭角美食 #九龍

餐牌選擇多元化 有漢堡同埋牛扒 可以加錢轉套餐 有沙律、麵豉湯、白飯 一定食到飽🤣另外餐廳環境乾淨 坐得舒服-🍔英式煙肉阿波尾雞蛋和牛漢堡配薯條$72和牛漢堡好大塊 肉汁多到流晒出嚟 漢堡包烘到外脆內軟 加上熱溶芝士 煙肉, 蕃茄同埋沙律菜 好足料 🍟美國粗薯條炸到外脆內軟-🥩美國安格斯牛柳 $182用石燒方式上菜 可以自己調校煎到幾熟牛扒脂肪分佈平均 入口軟嫩 好多肉汁 牛肉味濃郁另外有燒肉汁、黃芥末醬、黑椒、粉紅粗鹽俾你調味-🐮澳洲M8和牛肉眼鐵板飯 $108和牛入口即溶 有蛋同埋芝士撈飯 好邪惡 但係好夾好快就食曬-📍大和牛石燒專門店牛頭角牛頭角道3號得寶商場地下123號舖

今日又同friend 食飯啦✨但好凍好凍🧊🧊凍到我地就快變雪條🤭🤭 大家都記住要着多件衫唔好冷親呀🧣 最好就係可以好似我地咁食番啲熱辣辣嘅野真係好正🫶🏻🫶🏻 得寶商場有間可以話係隱世嘅餐廳 覺得佢真係唔錯 野食又唔貴🫶🏻🫶🏻鐵板飯 鹿兒島霜降牛柳 $68聽到霜降牛即刻想食 因為霜降牛出名好好食🐮🐮 個飯勁香 一攞到黎就勁濃牛味👍🏻 同埋份量都適中的😆 加上我加左$8要左份 雙重芝士🧀（係 我真係好中龍芝士） 成個飯香到傻左 啲芝士又可以拉絲 加落啲飯同牛到香到不得了 個飯本身都好好食 調味調得幾好👍🏻 唔似某某出名嘅鐵板飯咁鹹🤣 +$5要左一枝忌廉😂😂 飲下肥仔水配個牛黎食真係都唔錯😌整體推薦指數： 4.5/5👍🏻餐廳資料：大和牛石燒專門店牛頭角牛頭角道3號得寶商場地下123號舖

約咗朋友收工食晚飯。佢係一個肉食獸嚟，成日話想跟我去食好西，又話好想去食石燒牛。見佢講咗好多次，好啦今次滿足佢呢個願望。就番朋友仔係九龍灣收工，近近地係附近嘅德寶商場，搵到呢閒「大和牛石燒專門店」。餐廳約有有五十多個座位。食物選擇包括有鐵板飯、石燒牛肉、牛漢堡等。餐廳更有自助區，提供湯、飯、及沙律任添。牛肉種類很多，有日本和牛，美國、澳洲、紐西蘭安格斯牛等。《美國安格斯肩胛肉眼鐵板飯》（$82），令用鐵板熱度，加入燒肉汁，然後再立即炒勻牛肉及飯，飯微帶蕉香，十分惹味。《紐西蘭天然牛肋條》（$65），如果喜歡有咬口嘅朋友仔，推薦呢款必食。本人覺得呢款性價比相當高，牛肋條本身肉質較爽彈有咬口，肉中帶有少量牛脂，入口特別甘香，真心覺得超正。《澳洲黑安格斯西冷》（$138），相對肉質較實，油脂比例更少。如果喜歡吃肉質較實在，而且相對較少油份嘅朋友，可以不妨試下呢款。