大和牛石燒專門店 (已結業)

這個細細而又比較舊式的德寶商場近排都開了一間大熱的石燒牛店，提供了十一款來自不同國家的肉類選擇，有分100g，200g及300g的份量，最平$58 就已經有一份石燒了，而A5的和牛都只是百多蚊，另有日本珍珠米飯，沙律及餐湯任食。醬汁區有芝麻醬，柚子醬，燒汁，芥末醬及茄汁提供。點了一客200g的日本大和豚肉眼，店員會將豚肉先略略一燒，之後就放上火山石上，然後上枱，食客就可以因應自己喜好燒出生熟程度。因為豚肉關係，燒的時間都要長一點，肉質嫩滑而有彈性，質素頗高，灑上少少黑椒及海鹽調味已足夠。還點了一杯大札幌生啤來配燒肉，絕配。這裡除了有石燒，還有七款的漢堡選擇，加$15 就可以升級變套餐，有薯條及汽水，湯及沙律一樣可以任食。我點了一份英式煙肉阿波尾雞蛋和牛漢堡，份量大得不能一口放入口裡，所以食得有點狼狽。烘過的芝麻包皮夾著煎得脆邊而流心的阿波尾雞蛋，厚身而牛味濃郁的和牛漢堡扒，食到肉汁及油脂的香，三小塊的香脆煙肉，配上生菜及醬汁，十分豐富。