影片
更多
2021-05-08
118 浏览
除了啤酒 食物亦高質 開心果露好驚艷～～～星期六放假，諗住帶外國人朋友去中環食荷蘭正，呢間餐廳之前係舊公司同同事食過，印象深刻，食物好特別 裝修亦都好得意，一直都好受外國人歡迎，點知去到之後發現原來佢哋搬咗舖頭，搬咗去更加近蘭桂坊嘅東方有色大廈。😆～～～新店望落比舊鋪更加大，座位亦都更加好坐，餐廳裏面嘅服務員都好年輕，禮貌非常好，餐牌裏面嘅食物亦幾乎全部煥然一新，而家仲有埋甜品。😛～～～麻麻辣辣肉碎煮紐西蘭鑽石蜆（加$30會有埋台灣嫩鴨血）：紐西蘭鑽石蜆好大粒又厚肉，肉碎份量亦唔少，裡面仲有寬粉，整體麻、辣、鮮、香俱備，雖然個辣度都幾高，但係就完全冇掩蓋鑽石蜆嘅鮮味，非常出色，而且辣得好爽好正，鴨血係正宗鴨血，嫩滑非常，$30都幾多舊，同個辣味好夾，建議食得辣嘅話一定要加。☺️～～～24小時慢煮伊比利亞叉燒配煎日本太陽蛋：伊比利亞叉燒確係比平時普通嘅燒味店嘅叉燒好味都幾多，多瘦肉少肥肉，但係肉脂味仍在，肉質軟腍入味，太陽蛋邊脆內流心，熟得啱啱好，加埋紅洋蔥同香蔥豬油撈飯，香噴噴又無太鹹，高質，外國人朋友好中意。😋～～～香滑開心果露配白玉丸子：白玉丸子一共有3粒，大大粒又軟糯，3粒完全唔夠
～～～
星期六放假，諗住帶外國人朋友去中環食荷蘭正，呢間餐廳之前係舊公司同同事食過，印象深刻，食物好特別 裝修亦都好得意，一直都好受外國人歡迎，點知去到之後發現原來佢哋搬咗舖頭，搬咗去更加近蘭桂坊嘅東方有色大廈。😆
～～～
新店望落比舊鋪更加大，座位亦都更加好坐，餐廳裏面嘅服務員都好年輕，禮貌非常好，餐牌裏面嘅食物亦幾乎全部煥然一新，而家仲有埋甜品。😛
～～～
麻麻辣辣肉碎煮紐西蘭鑽石蜆（加$30會有埋台灣嫩鴨血）：
紐西蘭鑽石蜆好大粒又厚肉，肉碎份量亦唔少，裡面仲有寬粉，整體麻、辣、鮮、香俱備，雖然個辣度都幾高，但係就完全冇掩蓋鑽石蜆嘅鮮味，非常出色，而且辣得好爽好正，鴨血係正宗鴨血，嫩滑非常，$30都幾多舊，同個辣味好夾，建議食得辣嘅話一定要加。☺️
～～～
24小時慢煮伊比利亞叉燒配煎日本太陽蛋：
伊比利亞叉燒確係比平時普通嘅燒味店嘅叉燒好味都幾多，多瘦肉少肥肉，但係肉脂味仍在，肉質軟腍入味，太陽蛋邊脆內流心，熟得啱啱好，加埋紅洋蔥同香蔥豬油撈飯，香噴噴又無太鹹，高質，外國人朋友好中意。😋
～～～
香滑開心果露配白玉丸子：
白玉丸子一共有3粒，大大粒又軟糯，3粒完全唔夠喉，開心果露嘅開心果味超級重，直情好似直接將開心果磨成茸咁，分量雖然唔係太大兜，但係好濃，完全係一碗精華所在，雖然其他食物都好好食，不過呢一個甜品真係有驚艷嘅感覺。
～～～
推薦度：🔥🔥🔥🔥🔥🔥🔥🔥🔥
何蘭正 (中環)
中環雲咸街29號東方有色大廈2樓
张贴
