一經過九龍灣🚇德福廣場呢間肉肉大米嘅門口，就飄嚟陣陣香噴噴嘅🥩漢堡扒香味，難怪經常都大排長龍🤩。
佢哋所有漢堡扒都係用🇺🇸美國牛加日本🇯🇵和牛混合製作而成，喺每間分店內切肉絞肉再💪人手做成，色澤好靚。
入面採用開放式🔥廚房設計，全部吧台座位環繞廚房，😆可以近距離睇到師傅即叫即做即烤嘅過程👏，啲烤香味撲鼻而嚟，氛圍感爆表😋。
我呢次品嚐嘅係🥢三件漢堡排套餐，包括其中一件係🗓️期間限定嘅南洋青咖喱漢堡排🌶️。
首先上嘅係可以🤤無限添加嘅雜菇魚蛋味噌湯🥣，熱湯裏頭飄浮住入口鬆軟嘅魚蛋同埋雜菇🍄，湯底鮮香好正。
米飯亦可以無限添加🍚，而呢度用嘅米飯更係特別講究嘅，選用日本東北紅蝗米🇯🇵，每日喺分店內用精米機新鮮磨成白米去煮，啖啖飯粒粒分明✨，香氣獨特，食起嚟帶有淡淡嘅甜味，同漢堡排🥩係絕配。
原味和牛🐂漢堡排烤到6-8成熟先放上你面前個鐵板🔥，漢堡排呈粉紅色，中心軟嫩多汁😍，肉香濃郁得嚟唔會太膩。而配菜嘅西蘭花🥦亦都係可以無限添加嘅♾️。
配上醬油生雞蛋🥚，漢堡肉嘅熱度同蛋液完美融合，即刻夾飯食🍚，超級美味！
第二件係和牛芝士漢堡排🐮，賣點係頂部加入巨量即刨芝士🧀。師傅將一大片車打芝士放上漢堡排🥩上面，跟住即刨另一個款芝士絲淋喺漢堡排上🧀，啲芝士因為高溫即刻開始溶化🔥，牽起幼絲，好靚好appetizing。咬落去😋，雙重芝士嘅濃郁香氣同漢堡排肉嘅鮮嫩🥰互相交融，真係好芝味。
最後上場嘅係南洋青咖喱漢堡排🌶️，呢個係期間限定新品，漢堡排淋上🍛青咖喱醬，加入咗菠蘿同埋香草醬🌿，青咖喱嘅鮮香同少少椰漿嘅奶香撲面而至，菠蘿🍍嘅酸酸甜甜平衡咗咖喱嘅濃郁，香草醬仲增添咗層次感，👍真係好特別！
佢哋仲提供燒肉醬、🧅洋蔥醬、日式芥末鹽麴等共八款特選醬料🥄俾你自由配搭，可以自行創作出唔同風味😍。
