點心我哋試咗4款，分別有天鵝酥🦢手工精細，天鵝身嘅酥真係一層層，十分酥脆，內餡係汕頭滷水鵝肉，夠晒特別，又有潮州色彩👍🏻
1
鮮荔枝球，賣相真係好似荔枝，中間包住蝦粒、芝士，味道都幾夾。
黑蒜蝦燒賣，蝦同豬肉嘅比例平均，唔會太多肥肉。
即場登記做會員，仲有得送招牌游水金魚湯餃🐟或者飲品。游水金魚湯餃賣相精緻，味道都有水準，就有啲似用高湯浸住嘅蝦餃，餡料飽滿。
餐廳招牌仲有潮汕滷水炸乳鴿，炸到表面色澤均勻，滷水又夠入味！
食潮州嘢一定要有蠔餅，推薦潮汕炸蠔餅，蠔仔大大粒，夠晒酥脆。
酒醉走地鷄用上文昌鷄，脂肪唔多，肉質有咬口，食落淡淡酒香。
滷水拼盤有滷水鵝、鴨舌鴨翼、滷豆腐、墨魚，一次試晒幾樣嘢。
而家入秋，黎到大閘蟹季節，一定要試吓蟹枌拌麵🦀我只可以話真材實料‼️蟹粉相當濃郁，所配搭嘅蔥油拌麵都好香，好好食，真係要叫返一碗兩三個人share🥹
除咗午市優惠，所有菜品 17:30後85折（飲品除外）🈹啱晒同朋友或者屋企人嚟食飯！
6
