影片
更多
2022-12-09
1838 浏览
餐廳：CARNE’S ARGENTINIAN STEAK HOUSE (上環)地址：上環皇后大道中202號香港普特曼酒店地下A號舖講起阿根廷你會諗起咩嘢🇦🇷？除咗喺如火如荼嘅世界盃聽過呢支勁旅同埋拎過七次金球獎嘅美斯之外，原來呢個國家有接近80%人口都喺天主教/基督徒，喺拉美國家當中宗教信仰最虔誠嘅國家之一。而佢哋喺飲食方面亦喺全世界消費紅肉最多嘅國家，基本上食烤肉已經成為咗當地人嘅日常，一講到阿根廷烤肉基本上大家都會即刻流晒口水🤤今次我就去咗上環皇后大道中呢間開咗一年幾嘅正宗阿根廷扒房，喺我第一次食阿根廷菜，而餐廳名CARNE’S ARGENTINIAN STEAK HOUSE @carneshk 嘅「Carne」喺西班牙文解作「肉」，一睇個名就知必食佢哋嘅傳統阿根廷烤肉啦😋，仲喺由阿根廷籍大廚親自炮製當地最有特色同原始嘅風味添✝️阿根廷餡餅 $128講到阿根廷食物一定唔少得阿根廷餡餅(Empanada)，小至生日派對、結婚典禮，大至慶典同國慶都會見到佢嘅出現，而大街小巷都會見到Empanada嘅蹤影，毋庸置疑喺阿根廷嘅國民美食😍。將肉眼扒肉碎、紫洋蔥🧅、蕃茄🍅、雞蛋等材料用辣椒同鹽調
地址：上環皇后大道中202號香港普特曼酒店地下A號舖
講起阿根廷你會諗起咩嘢🇦🇷？除咗喺如火如荼嘅世界盃聽過呢支勁旅同埋拎過七次金球獎嘅美斯之外，原來呢個國家有接近80%人口都喺天主教/基督徒，喺拉美國家當中宗教信仰最虔誠嘅國家之一。而佢哋喺飲食方面亦喺全世界消費紅肉最多嘅國家，基本上食烤肉已經成為咗當地人嘅日常，一講到阿根廷烤肉基本上大家都會即刻流晒口水🤤
今次我就去咗上環皇后大道中呢間開咗一年幾嘅正宗阿根廷扒房，喺我第一次食阿根廷菜，而餐廳名CARNE’S ARGENTINIAN STEAK HOUSE @carneshk 嘅「Carne」喺西班牙文解作「肉」，
一睇個名就知必食佢哋嘅傳統阿根廷烤肉啦😋，仲喺由阿根廷籍大廚親自炮製當地最有特色同原始嘅風味添
✝️阿根廷餡餅 $128
講到阿根廷食物一定唔少得阿根廷餡餅(Empanada)，小至生日派對、結婚典禮，大至慶典同國慶都會見到佢嘅出現，而大街小巷都會見到Empanada嘅蹤影，毋庸置疑喺阿根廷嘅國民美食😍。
將肉眼扒肉碎、紫洋蔥🧅、蕃茄🍅、雞蛋等材料用辣椒同鹽調味，放入麵糰當中包成餃子形狀🥟，最後放入焗爐烘熟，鬆脆嘅餡餅配上惹味嘅餡料，加埋阿根廷秘製辣椒醬一齊食簡直無得頂，最重要喺唔會太油膩，感覺仲有啲似印度嘅Samosa😆
✝️阿根廷牛扒
去阿根廷扒房又點可以唔試佢哋嘅牛扒呢🥩？
叫咗10oz西冷牛扒($288)同12oz側腹膜橫肌($298)，阿根廷烤肉嘅特色喺要有一定厚度🐂，因為當地人鍾意大啖大啖肉咁品嚐，同埋只會簡單用鹽去調味，務求食到牛肉最原始嘅鮮味。用烤爐將牛扒烤到五成熟再用鐵板上，Juicy嘅牛扒未食都知一定好好味🤩，
雖然阿根廷牛嘅肉質無咁嫩滑，但喺牛味超香濃，肉汁非常豐富💦，
配埋自家製嘅地道阿根廷青醬(chimichurri sauce)就更有鮮香風味，真喺好想去一轉阿根廷瘋狂食牛肉🤣
另外叫咗個田園沙律($98)同薯蓉($68)，沙律用咗車厘茄、紫洋蔥🧅、櫻桃蘿蔔、沙律菜配上芥末油醋汁而成，酸香開胃，同牛扒間隔住咁食就無咁易食滯👍；
佢哋嘅薯蓉好smooth，入口滑溜唔痴口，牛油味唔會好濃，食多少少都唔會好膩
张贴
