鴻哥小廚 (已結業)

土瓜灣終於有間好食嘅住家菜，帶點大排檔特色，有多張大圓枱，適合一大班人食飯。菜單都幾有創意，除了港式口味，仲有台式、四川，幾有新鮮感。住家菜點少得女人最愛的湯品。阿嬤靚湯($58/2位用)每日限量供應，今天是沙蔘玉竹圓肉燉豬腱，真係冇味精，加了圓肉，味道清甜，咁好味嘅私房燉湯日日飲都得。香煎蓮藕餅($98)煎得香口，有粒粒蓮藕，好爽脆，味道真實，沒有添加很多調味。頭抽豉油雞($198/半隻)用鮮雞做，確有鮮味，醬汁味道濃郁，鹹中帶甜，雞肉滋味，送飯一流。蒜蓉炒菜心 ($78)新鮮，有鑊氣，炒得好好味。白飯奉送飯後水果，幾有心。